Америка таможнаси хитайдики мәҗбурий әмгәккә четишлиқ чач мәһсулатлирини мусадирә қилиш буйруқи чиқарди

Мухбиримиз әзиз
2020-06-17
Share

Хитай һөкүмитиниң уйғур диярида "намратлиқни түгитиш" намида уйғур деһқанларни вә лагер мәһбуслирини мәҗбурий әмгәккә селиватқанлиқи көпләп мәлум болғандин кейин, америка һөкүмити вә һәрқайси саһәниң кәскин тәнқидигә дуч кәлгән иди.

1-Май күни америка таможнаси вә чегра қоғдаш идариси мәхсус буйруқ чүшүрүп, хитай һөкүмитиниң мәҗбурий әмгәк паалийитигә четишлиқ болған хотән "хавлин чач мәһсулатлири" ширкитиниң һәрқандақ мәһсулатини американиң барлиқ таможна еғизлирида мусадирә қилишни уқтурған.

Мәзкур идариниң буйруқида "хавлин ширкитиниң мәһсулатлири мәҗбурий әмгәккә четишлиқ болғачқа шундақ қарар елинди" дейилгән. Шуниңдәк мунасивәтлик қанунлар бойичә мәҗбурий әмгәк, балилар әмгики қатарлиқларға четишлиқ барлиқ мәһсулатларни ишләпчиқириш, сетиш вә йөткәшни мәни қилидиғанлиқи тәкитләнгән.

Йеқинда радийомиз уйғур дияридики лагер мәһбуслириниң чачлирини кесивелип товарға айландуруш қилмиши һәққидә хәвәр бәргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт