Җов байден б д т қурултийида уйғурлар мәсилисини тилға алди

Мухбиримиз әзиз
2022.09.21
Share on WhatsApp
Share on WhatsApp
Җов байден б д т қурултийида уйғурлар мәсилисини тилға алди Бирләшкән дөләтләр тәшкилати 2022-йиллиқ қурултәйиниң 77-йиғинида америка президенти җов байден сөз қилмақта. 2022-Йили 21-сентәбир, ню йорк.
whitehouse.gov

Бирләшкән дөләтләр тәшкилати (б д т) ниң ню-йорктики баш штабида давам қиливатқан 2022-йиллиқ қурултайға қатнашқан америка президенти җов байден хитай һөкүмитини тәнқидләп, уйғурлар мәсилисини йәнә бир қетим алаһидә тилға алди.

“вашингтон почтиси” ниң 21-сентәбирдики хәвиридә ейтилишичә, президент җов байден 21-сентәбир күни қурултайда мәхсус нутуқ сөзлигән. У өз нутқида русийәниң украинаға таҗавуз қилиши, тәйвән боғузи вәзийити қатарлиқ әһвалларни сөзләп келип хитай һөкүмитиниң сиясий, иқтисад вә истратегийә җәһәттики тәһдитлирини тәнқидлигән. Шундақла өзлириниң изчил “бир хитай” сиясити бойичә иш көрүп кәлгәнлики, өзлириниң һечқачан тоқунуш пәйда қилиш койида әмәс, әксичә әркин, очуқ вә бихәтәр болған һәмкарлиқ орнитишни истәйдиғанлиқини, әмма хитайниң изчил буниңға қарши йөнилиштә иш көрүп кәлгәнликини баян қилған.

У сөзиниң ахирида “кишилик һоқуқ биз йәтмәкчи болған нишанларни ишқа ашурушниң асаси. Әмма уларниң шинҗаңда демократийәни һимайә қилғучилар вә аз санлиқ милләтләргә немиләрни қиливатқанлиқи б д т ниң доклатида бәкму тәпсилий баян қилинған” дәп көрсәткән.

Мәлум болушичә, америка-хитай мунасивити һазир барғансери йимирилишкә йүзлиниватқан болуп, америкадики сиясий анализчи гордон чаң қатарлиқ бирқисим сиясий анализчилар бу хил йүзлинишни йеқин кәлгүсидә техиму еғирлайду, дәп көрсәткәниди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.