Jow baydén b d t qurultiyida Uyghurlar mesilisini tilgha aldi

Muxbirimiz eziz
2022.09.21
Share on WhatsApp
Share on WhatsApp
Jow baydén b d t qurultiyida Uyghurlar mesilisini tilgha aldi Birleshken döletler teshkilati 2022-yilliq qurulteyining 77-yighinida amérika prézidénti jow baydén söz qilmaqta. 2022-Yili 21-séntebir, nyu york.
whitehouse.gov

Birleshken döletler teshkilati (b d t) ning nyu-yorktiki bash shtabida dawam qiliwatqan 2022-yilliq qurultaygha qatnashqan amérika prézidénti jow baydén xitay hökümitini tenqidlep, Uyghurlar mesilisini yene bir qétim alahide tilgha aldi.

“Washin'gton pochtisi” ning 21-séntebirdiki xewiride éytilishiche, prézidént jow baydén 21-séntebir küni qurultayda mexsus nutuq sözligen. U öz nutqida rusiyening ukra'inagha tajawuz qilishi, teywen boghuzi weziyiti qatarliq ehwallarni sözlep kélip xitay hökümitining siyasiy, iqtisad we istratégiye jehettiki tehditlirini tenqidligen. Shundaqla özlirining izchil “Bir xitay” siyasiti boyiche ish körüp kelgenliki, özlirining héchqachan toqunush peyda qilish koyida emes, eksiche erkin, ochuq we bixeter bolghan hemkarliq ornitishni isteydighanliqini, emma xitayning izchil buninggha qarshi yönilishte ish körüp kelgenlikini bayan qilghan.

U sözining axirida “Kishilik hoquq biz yetmekchi bolghan nishanlarni ishqa ashurushning asasi. Emma ularning shinjangda démokratiyeni himaye qilghuchilar we az sanliq milletlerge némilerni qiliwatqanliqi b d t ning doklatida bekmu tepsiliy bayan qilin'ghan” dep körsetken.

Melum bolushiche, amérika-xitay munasiwiti hazir barghanséri yimirilishke yüzliniwatqan bolup, amérikadiki siyasiy analizchi gordon chang qatarliq birqisim siyasiy analizchilar bu xil yüzlinishni yéqin kelgüside téximu éghirlaydu, dep körsetkenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.