Baydén hökümiti xitayning sözi bilen herikitining birdek bolushini ümid qilidiken

Muxbirimiz jewlan
2021-03-17
Share

Roytrés agéntliqining 16-mart xewer qilishiche, amérikaning yuqiri derijilik emeldarliri xitay bilen bu hepte “Téximu qattiq charilerni otturigha qoyup” söhbet ötküzidighanliqini, xitaydiki kishilik hoquq mesilisini öz ichige alghan bir qatar mesililerge alahide köngül bölidighanliqini éytqan.

Xewerde éytilishiche, amérika emeldarliri bu heptining 4-küni xitay bilen alyaskida ötküzülidighan söhbet heqqide qisqiche melumat bergen bolup, amérikaning bu qétimliq körüshüsh arqiliq xitay bilen bolghan munasiwetni yaxshilashqa tirishidighanliqini, buning üchün xitayning quruq gep qilmay, emeliy heriket qollinishini ümid qilidighanliqini bildürgen.

Alyaskining enkrij shehride ötküzülidighan bu qétimliq söhbet baydén hökümitining xitayning yuqiri derijilik emeldarliri bilen ötküzidighan tunji qétimliq yüz turane söhbiti bolup, amérika tashqi ishlar ministiri antoni bilinkén bilen prézidént baydinning dölet bixeterliki meslihetchisi jék saliwén xitayning tashqi ishlargha mes'ul bash emeldari yang jéchi we xitay tashqi ishlar ministiri wang yi bilen körüshidiken.

Közetküchilerning qarishiche, xitay amérika bilen bolghan munasiwetni yaxshilashni tekitlep kelgen bolsimu, quruq geptin bashqa héchqandaq emeliy ish qilmighan. Amérika bu qétimliq söhbette Uyghurlar mesilisi we xong kong mesilisini otturigha qoyup, xitaydin hazirqi yönilishini özgertip, konkrét heriket qollinishni telep qilidiken, eger xitay yene yalghan sözlep ötkeldin ötüwélishni oylisa, bu söhbetmu netijisiz bolidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet