“Ichki mongghul aptonom rayoni” qurulghanliqining 70 yilliqida pa'aliyetchiler aptonomiye heqqide toxtaldi

Xitaydiki her derijilik axbarat wasitiliri “Ichki mongghul aptonom rayoni” qurulghanliqining 70 yilliqi munasiwiti bilen mongghullarning ötken 70 yilda xitay kompartiyesining rehberlikide qandaq zor “Shanliq tereqqiyat” largha érishkenliki heqqide debdebilik xewerlerni bériwatqanliqi melum. Emma muhajirettiki mongghul siyasiy pa'aliyetchiler bu heqte pikir qilip, xitayning bu teshwiqatlirini pütünley inkar qilidighanliqini bildürgen.

Roytérisning mongghul siyasiy pa'aliyetchiliridin neqil keltürüshiche, eyni waqitta gerche ichki mongghul rayonigha aptonomiye heqqide wediler bérilgen bolsimu, nöwette bu yer qattiq kontrolluq, qorqunch we ensizlik qaplighan bir makan'gha aylan'ghan. Rayonning kömür bayliqi köplep qézilghan, mongghullarning nopusi hazir rayondiki 24 milyon nopusning beshtin birinimu igiliyelmigen, mongghul tili yoqilishqa yüz tutqan.

Melum bolushiche, xitay kommunistliri 1947- qurghan ichki mongghul aptonom rayoni izchil halda xitaylashturush siyasitide bashqa “Aptonom rayon” lirining ülgisi, dep qarilip kelgen iken.