Ichki mongghuldiki charwichilar gösh bahasini östürüshni telep qilip namayish ötküzgen
2016.08.17
Ichki mongghuldiki 200 ge yéqin charwichi tünügün hökümet binasi aldigha toplinip naraziliq namayishi ötküzgen.
Radiyomiz xitayche bölümining bügünki bu heqtiki xewiridin melum bolushiche, ichki mongghuldiki xitay dölet shirketliri charwichilardin qoy göshini kilo béshi bahasini 14 yérim somdin sétiwalghan. Qoy göshining béyjingda 46 somdin sétiliwatqanliqidin xewer tapqan mongghul charwichilar, hökümettin charwichilardin sétiwélinidighan gösh mehsulatlirining bahasini östürüp bérishni telep qilghan.
Mongghul charwichilar bu telipini tünügün guwulatjonchi nahiyilik erziyet idarisige bildürgen. Xewerdin melum bolushiche, charwichilarning topliship we lozunka kötürüp naraziliq bildürüshi xitay da'irilirini endishige salghan, netijide xitay qoralliq küchliri neq meydan'gha yétip kélip, namayishchi charwichilardin 4 nepirini tutqun qilghan, emma qalghan charwichilar, telepliridin waz kechmeydighanliqini bildürüp hökümet binasi aldida namayishni dawamlashturghan.
Köp körülgen xewerler
RFA
- Ürümchidiki meshhur bina—“Rabiye qadir soda sariyi” ning chéqiwétilgenliki delillendi
- Kanada hökümitining on ming Uyghurni orunlashturushining tunji qedimi muweppeqiyetlik bésildi
- Rishat abbas amérika dölet mejliside Uyghur tili, medeniyiti we xatirisini qoghdashqa téximu köp iqtisad ajritishqa chaqirdi
- “Uyghur sen'et körgezmisi” ge yandashqan Uyghur qirghinchiliqi muhakime yighini bashlandi
- Norwégiyede ottura mektep oqughuchilirigha Uyghur irqiy qirghinchiliqi tonushturulghan