Ichki mongghuldiki kan partlashta köp sanda adem öldi

Ichki mongghul aptonom rayonining chiféng shehiridiki bir kömür kanda shenbe küni partlash yüz bérip, az dégende 30 adem ölgen we melum sandiki adem yarilan'ghan. Amérika awazining xewer qilishiche, az dégende 32 adem hayatidin ayrilghan.

Yekshenbe küni ichki mongghul da'iriliri partlash weqesining sewebini tekshüriwatqanliqini hemde weqening kélip chiqishigha munasiwetlik sewebkarlarning tutup turiliwatqanliqini bildürgen.

B b s agéntliqning xewer qilishiche, partlash yüz bergende 181 adem ishlewatqan bolup, 149 adem bixeter halda kan quduqi üstige chiqishqa muweppeq bolghan.

Partlash yüz bergen kömür kanning nami bawma kömür kani bolup, uning yilliq ishlepchiqirish miqdari 450 ming tonna iken.

Ichki mongghuldiki mezkur kömür kan partlash weqesi yüz bérishtin 5 kün burun,xéylongjang ölkisining chitey shehiridiki bir kömür kandimu partlash yüz bérip, 21 adem hayatidin ayrilghan..

Xitay kömür kan weqeliri eng köp chiqidighan memliketlerning biri hésablinidighan bolup, bu yil 1-aydin taki hazirghiche xitayda jem'iy 22 qétim kömür kan partlash weqesi yüz bérip, ölgenlerning sani mingdin éship ketken.

Melum bolushiche, ichi mongghul xitayning muhim kömür kan baziliridin biri hésablinidu. Hazirche, ichki mongghuldiki kan partlashning kömür gazi bilen munasiwetlik ikenliki perez qilinmaqta iken.