Микрософт бәзи хизмәтчилириниң хитайдин башқа дөләткә көчүшини тәләп қилған

Вашингтондин мухбиримиз җәвлан тәйярлиди
2024.05.17

30 Нәччә йилдин бери хитайда сода қилип келиватқан микрософт ширкити йеқинда бир қисим хизмәтчилирини башқа дөләткә көчүшкә сәпәрвәр қилған. Хитай мәтбуатлириниң хәвәр қилишичә, микрософт аз дегәндә 100 адимини башқа дөләттә ишләшкә үндигән.

Америка CNN ториниң 16-май күни бу һәқтә бәргән хәвиридә ейтилишичә, американиң сүний әқил вә йешил енергийә саһәсидики әқлий мүлүк һоқуқи билән хитайниң уни оғрилаш қилмиши оттурисидики зиддийәт күнсери өткүрлишиватқан болуп, микрософт ширкити буниңдин тартидиған зиянни алдин мөлчәрлигән болуши мумкин икән. Нөвәттә, микрософтниң алий техника хадимлири, болупму булут һесаблаш техникиси хадимлири америка, австралийә, иреландийә қатарлиқ дөләтләрдә хизмәт қилиш пурситигә еришкән.

“вол-стерт журнили” ниң 16-май күни бәргән хәвиригә қариғанда, микрософт ширкити хитайда ишләватқан, хитай пуқраси болған, булут һесаблаш техникиси вә сүний әқил техникиси билән мәшғул болуватқан 800 гә йеқин хадимиға хәт йоллап, уларниң башқа дөләттә хизмәт қилишини тәләп қилған. Хадимлар бир ай ичидә көчүп болуши керәк икән, көчмәсликни таллисиму болидикән.

Мәлум болушичә, микрософт ширкити 1992-йил хитайға киргән болуп, нәччә он йилдин буян бейҗиңдики “асия юмшақ детал синақ мәркизи” дә паалийәт қилип кәлгән һәмдә та һазирғичә хитай билән изчил һәмкарлишип кәлгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.