Ürümchide bir qisim mulazimetler eslige keltürülgen bolsimu, karantin tedbirliri yenila dawamlashmaqtiken

Muxbirimiz irade
2022.12.01
Share on WhatsApp
Share on WhatsApp

24- Noyabir küni ürümchide ot apiti yüz bérip, xitayning qattiq yuqum qamali sewebidin paji'elik ölüm weqesi kélip chiqqan idi.

Bu weqe, 4 aydin béri dawam qiliwatqan xitayning “Yuqumni nölge chüshürüsh” namidiki qattiq yuqum qamali ürümchi ahalisini her jehettin qattiq charchatqan bir mezgilge toghra kelgen. Buning bilen keng xelq ammisida zor naraziliq qozghalghan. Weqedin kéyin da'iriler, yuqum tedbirlirining peydinpey eslige keltürülidighanliqini, 29-noyabirdin bashlap ürümchi shehiridiki kishilerning özliri turushluq rayon teweside sirtqa chiqsa bolidighanliqini uqturghan.

Xitayning “Tengritagh tori” 1-dékabir küni tarqatqan xewerliride, ürümchide bir qisim ashxanilar échilip öylerge zakas qilin'ghan tamaqlar toshuluwatqanliqini, kocha aptobusi we pochta yollanmisi qatarliq xizmetlirining eslige kelgenlikini xewer qilghan. Biraq rayondiki yuqumlan'ghuchilar yaki yuqumlan'ghanliq éhtimali bolghan kishilerni mejburiy halda ayrip karantin'gha élish ishliri yenila dawam qilmaqtiken.

Ijtima'iy taratqularda tarqalghan körünüshlerde kishilerning dawamliq halda intayin nachar shara'itlardiki karantin orunlirida soghuqtin we achliqtin qéyniliwatqanliqi körsitilgen.

“Tengritagh tori” 1-dékabir küni Uyghur élidiki yuqum ehwaligha a'it tarqatqan uchurida 30-noyabir küni kéche sa'et 24:00 kiche bolghan ariliqta yene 968 yéngi alametsiz yuqumdar we 21 neper alametlik yuqumdar bayqalghanliqini, 1053 neper kishining karantindin qoyup bérilgenlikini bildürgen. Melum bolushiche, bularning ichidiki 85 nepiri ürümchidiki alametsiz yuqumdarlar iken.

Ürümchidiki ot apitidin kéyin, xitay yolgha qoyuwatqan chékidin ashqan karantin tedbirliri xelq'ara jama'etning küchlük diqqitini qozghashqa bashlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.