Amérika tamozhnisi xitayning longji solar mehsulatlirini Uyghur mejburiy emgikige chétishliq dep tutup qalghan

Muxbirimiz irade
2021-11-04
Share

Amérika tamozhnisi xitayning longji quyash énérgiye taxtisi mehsulatlirini Uyghur mejburiy emgikige chétishliq bolghanliqi üchün tutup qalghan.

Blumbérg gézitining bu heqtiki xewiridin qarighanda, longjining quyash énérgiye taxtiliri amérika tamozhnisida tutup qélin'ghandin kéyin, shirketning pay bahasi 9 pirsenttin köp töwenligen, bazar qimmiti bir künde 50 milyard yüen'ge yéqin azayghan.

Amérika chégra da'iriliri longji shirkitining quyash énérgiye taxtilirining xam eshyasi köp kristalliq krémniy Uyghur élida ishlepchiqirilghan dep qarighanliqi üchün tosqaniken.

Bu nöwet yene, xitayning "JinkoSolar", "Kanada quyash énérgiyesi" we "Trina Solar" ning mehsulatlirimu qolgha chüshürülgen bolup, bu shirketlerning hemmisi Uyghur élige jaylashqan "Xoshin krémniy sana'iti shirkiti" bilen munasiwetlik iken.

Amérika hökümiti Uyghurlarning mejburiy emgikige chétishliq bolghanliqi üchün bu yil 6-aydin bashlap xitayning bir qisim quyash énérgiye shirketlirini qara tizimlikke alghan. Longji shirkitiningmu bu qara tizimlikke qoshulidighanliqi perez qilinmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet