Америка хитайниң русийәгә ярдәм бериватқан 5 ширкитини қара тизимликкә киргүзгән

Мухбиримиз җәвлан
2022.06.29
Share on WhatsApp
Share on WhatsApp

28-Июн күни җов байден һөкүмити хитайниң 5 ширкитини русийәниң һәрбий вә дөләт мудапиә базисиға ярдәм бәргәнлики үчүн қара тизимликкә киргүзгән; бу арқилиқ русийәниң украинаға һуҗум қилишиға ярдәм бериватқан һәр қандақ дөләт яки органни җазалайдиғанлиқ ирадисини көрсәткән.

Ройтерс агентлиқиниң хәвиригә қариғанда, русийәгә ярдәм бәргән бу 5 хитай ширкити Connec електрон чәклик ширкити, баш штаби хоңкоңға җайлашқан World Jetta ширкити, арқа сәп тәминати чәклик ширкити, киң пәй технологийә ширкити вә Winnic електрон чәклик ширкити қатарлиқлар икән.

Русийә 24-феврал украинаға һуҗум қилиштин илгирила бу 5 ширкәт русийәгә наһайити “муһим маллар” ни тәминлигән; русийә украинаға һуҗум қилғандин кейин америка сода министирлиқи русийә билән қоюқ сода қиливатқан ширкәтләрни җазалиған. Әмма бу 5 ширкәт русийә билән сода қилиш чәкләнгән ширкәтләр биләнму давамлиқ сода қиливәргән.

Америка сода миниситирлиқиниң муавин министири алан истивиз (Alan Estevez) бу 5 ширкәтни қара тизимликкә киргүзүш һәққидә ипадә билдүрүп: “бизниң бүгүнки бу һәрикитимиз дуняниң һәр қайси җайлиридики ширкәтләр вә шәхсләргә берилгән күчлүк сигналдур. Әгәр улар русийәгә ярдәм бәрмәкчи болса, америка улар билән болған мунасивитини үзүп ташлайду” дегән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.