Хитайдики балилар арисида сирлиқ нәпәс йоли кесәллики тарқалған

Вашингтондин мухбиримиз уйғар тәйярлиди
2023.11.30

Америка невиз (Knewz.com) Ториниң 29- ноябирдики хәвиригә асасланғанда, хитайдики балилар вә яшанғанлар арисида сирлиқ бир нәпәс йоли юқумлуқ кесили шиддәт билән тарқилишқа башлиған. Хитай  даирилири сәһийә тармақлириға йеңидин тарқиливатқан бу юқумлуқ кесәлликниң йәниму кеңийип кетишниң алдини елиш вә контрол қилишқа буйруқ чүшүргән.

Хитай һөкүмити йәнә теббий хадимлардин бу вируслуқ кесәлликниң һәқиқий сәвәбини тепип чиқишни тәләп қилған, шундақла  бу кесәлликниң һазирқи тарқилиш әһвалини ашкарилимаслиқини билдүргән.

Хитайдики исмини ашкарилашни халимиған бир юқири дәриҗилик хитай әмәлдарлириниң дейишичә, хитай рәһбири ши җинпиң бу сирлиқ нәпәс йоли кесәлликини “өпкә яллуғи” яки “тарқилишчан зукам” дәп аташ арқилиқ, униң хитай җәмийитидә вәһимә пәйда қилишиниң алдини елиш тоғрилиқ “мәхпий көрсәтмә” бәргән икән.

“дәвр гезити” ниң илгири сүрүшичә, бейҗиңда турушлуқ чәт әл ахбарат васитәлириниң аталмиш “өпкә яллуғи” яки “тарқилишчан зукам” тоғрисида хәвәр беришигә йол қоюлмиған. Хитай дөләт ичидики таратқуларниңму бу юқум тоғрисида хәвәр бериши чәкләнгән. Хитай ичидә һәтта бу юқумлуқ вирусниң америкадин хитайға киргәнлики һәққидики тор муназирилириму көрүлүшкә башлиған.

“дәвр гезити”ниң хәвиригә қариғанда, юқумлиниш һазир қурамиға йәткәнләргә қарап кеңәйгән. Дуня сәһийә тәшкилати хитай һөкүмитидин бу юқумлуқ кесәлликниң конкрет әһвали һәққидә ениқ мәлумат беришни тәләп қилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.