Син

Уйғур яшлири әсма вә аминә билән сөһбәт: “уйғур давасидин тохтап қалмаймиз!”

2024-04-27

Хитай һөкүмити йиллардин буян уйғур диярида иҗра қилип келиватқан қирғинчилиқ маһийәттә уйғур җәмийитини “қап бәлдин оштуп ташлаш”тәк мәқситигә толуқ йәтти, дәп қариливатқан болуп, буниңда кишиләр уйғур тил-йезиқи, мәдәнийити, диний етиқад саһәси қатарлиқлар дуч кәлгән вәйран қилиш характерлик бузғунчилиқларни нәзәрдә тутуп кәлмәктә. Бу зулум вә бастурушлар бир яқтин уйғурларниң хитай һәққидики чүшәнчисини йеңилаш ролини ойниған болса, йәнә бир яқтин уйғурларниң уюшуш вә қаршилиқ көрситиш хаһишини техиму йүксәлдүрүп кәлмәктә. Болупму хитай һөкүмити ашкара оттуриға қойған “йилтизини кесип ташлаш, нәсәбини үзүп ташлаш” һәққидики шоарлар уйғур дияридики ассимилятсийәниң “җуңхуа ортақ кимлики” бәрпа қилиш намидики йеңи пәллисини яритиватқанда муһаҗирәт муһитидики бир қисим уйғур яшлири өзлириниң уйғур давасиниң избасарлиридин болуш ирадисини намаян қилип кәлмәктә. Германийәдә туғулуп чоң болған әсма мәмтимин вә аминә турсунни әнә шу хил яшлар җүмлисидин, дейиш мумкин.

Көп көрүлгән