Қирғизистанда уйғур яш-өсмүрлириниң ана тилим-дана тилим” намлиқ мусабиқә паалийити өткүзүлди

Бишкәктин ихтиярий мухбиримиз ферузә тәйярлиди
2024.03.05
qirghizistan-balilar-02 Мусаев хамзат абдухалиқ уйғурниң “ойған” намлиқ шеирини оқуватиду. 2024-Йили 2-март, бишкәк
RFA/Feruze

2-Март күни бишкәк шәһири, аламедин 1-мәһәллисиниң “мәдәнийәт өйи” дә қирғизистан уйғурлири “иттипақ” җәмийитиниң уюштуруши билән яш-өсмүрләрниң “ана тилим-дана тилим” намидики уйғур ана тил мусабиқиси болуп өтти.

Бу мусабиқә паалийитигә қирғизистан уйғурлири “иттипақ” җәмийитиниң муавин рәиси турсунтай назаров башчилиқидики җәмийәтниң һәйәт әзалири, мәһәллә йигитбашлири, аяллар кеңәшлириниң рәислири, уйғур ана тилида дәрс бериватқан муәллимләр, уйғур оқуғучилар вә уларниң ата-анилири қатнашти.

Мәзкур мусабиқә паалийити “дуня ана тил күни” мунасивити билән өткүзүлгән болуп, паалийәт қирғизистанниң миллий марши билән башланди. Паалийәт җәрянида уйғур ана тилида оқуватқан оқуғучилар уйғур хәлқиниң илим-мәрипәткә болған сөйгүлири изһар қилинған вә ана тил күйләнгән шеирларни декламатсийә қилди.

Мәзкур паалийәткә қатнашқан тәс мәһәллисидики аяллар кеңишиниң рәиси һаҗәрбови ханим радиомиз зияритини қобул қилип, бу паалийәтни тәшкиллигүчиләргә вә ана тил оқутушиға әҗрини сиңдүрүватқан муәллимләргә өз миннәтдарлиқини билдүрди. У йәнә мушундақ паалийәтләрни давамлаштурушқа өзиниң һәр вақит тәйяр икәнликини изһар қилди.

2023-Йили өктәбир ейида қирғизистан уйғурлири “иттипақ” җәмийитиниң уюштуруши билән бишкәктики уйғурлар топлишип олтурақлашқан аламедин мәһәллиси билән комсомол вә беловодск йезилирида уйғур ана тили оқутуш курслири ечилған иди. Бу курслар җәмий 8 нөвәт тәшкилләнгән болуп, 200 дин ошуқ оқуғучи уйғур тилини өгинишкә башлиған иди. 2023-Йилиниң ахиридики үч ай җәрянида, оқуғучилар кирил елиббәси асасидики уйғур йезиқини өгәнгән 2024-йили январдин башлап әрәб елиббәси асасидики уйғур кона йезиқини өгинишкә башлиған.

Беловодск йезисиниң оқуғучилири муәллими айгүл ханим билән биллә. 2024-Йили 2-март, бишкәк
Беловодск йезисиниң оқуғучилири муәллими айгүл ханим билән биллә. 2024-Йили 2-март, бишкәк
RFA/Feruze

21-Феврал “дуня ана тили күни” йетип кәлгәндә, бу курсларниң муәллимлири һәр гуруппидин 5-6 нәпәрдин яхши оқуған оқуғучиларни таллап, җәмий 40 нәпәр оқуғучини уйғур ана тилида шеир оқуш мусабиқисигә қатнаштурған. Оқуғучилар җараңлиқ авазда уйғур шаирлириниң ана тил һәққидә ялқунлуқ шеирлирини шеирлирини коллектип декламатсийә қилған.

Мәзкур мусабиқини баһалаш һәйитигә явро-асия уйғур академийәсиниң муавин президенти, пәлсәпә пәнлириниң намзати әкбәрҗан баудунов риясәтчилик қилди. Баһалаш һәйитиниң әзалири “иттипақ” гезитиниң баш муһәррири зумрәт розийева, “иттипақ” җәмийитиниң муавин рәиси әзиз худайберденов, язғучи абдусалам ғаппарлардин тәшкил тапти.

Тес мәһәллисиниң оқуғучилири. 2024-Йили 2-март, бишкәк
Тес мәһәллисиниң оқуғучилири. 2024-Йили 2-март, бишкәк
RFA/Feruze

Бу қетимқи ана тил паалийити һәқиқий мусабиқә қаидиси бойичә өткүзүлди. Баһалаш һәйитиниң адил вә битәрәп шәкилдә баһалиши нәтиҗисидә, ирадә худайбергенова вә абдурахман насировлар үчинчи дәриҗилик, патимә бақийева билән мәнзурә аюповалар иккинчи дәриҗилик, хамзат мусайев вә айлуна қадиралийевалар биринчи дәриҗилик мукапатқа еришти.

Мәзкур мусабиқигә бир топ оқуғучиларни башлап кәлгән беловодск йезисидики уйғур муәллими айгүл ниязова ханим радийомиз зияритини қобул қилип, өзиниң икки оқуғучисиниң диплом вә мукапатларни алғанлиқидин бәкму хурсән болғанлиқини билдүрди.

Қирғизистандики яш-өсмүрләрниң “ана тилим-дана тилим” намидики уйғур ана тил мусабиқисидин көрүнүш. 2024-Йили 2-март, бишкәк
Қирғизистандики яш-өсмүрләрниң “ана тилим-дана тилим” намидики уйғур ана тил мусабиқисидин көрүнүш. 2024-Йили 2-март, бишкәк
RFA/Feruze

Паалийәт ахирида қирғизистан уйғурлири “иттипақ” җәмийитиниң муавин рәиси турсунтай назаров сөз қилип, мусабиқидә утуп чиққан оқуғучиларни тәбриклиди. У, уйғур ана тили оқутушида халис әҗир сиңдүрүватқан муәллимләргә қирғизистан уйғурлири “иттипақ” җәмийитиниң намидин миннәтдарлиқ билдүрди.

Бу паалийәт, ана тил мусабиқисидә биринчи дәриҗилик мукапатқа еришкән оқуғучи хамзат мусайевниң шаир нуртай абдурәһим язған “ойған уйғур” намлиқ шеирни җараңлиқ авазда декламатсийәси қилиши билән ахирлашти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.