D u q ning Uyghurlar duch kelgen irqiy qirghinchiliqni tonushturush pa'aliyiti finlandiyede bashlandi

D u q ning finlandiyediki teshkilatlar bilen birge élip baridighan Uyghur irqiy qirghinchiliqini tonushturush pa'aliyitide xelq'ara hemkarliq teshkilatining yash xadimi pezilet söz qilmaqta. 2024-Yili 21-may.

Bügün 21-may küni dunya Uyghur qurultiyining finlandiyede xelq'ara hemkarliq teshkilati, xelq'ara kechürüm teshkilati, ishchilar hoquqi teshkilati we finlandiye kishilik hoquq teshkilati qatarliq teshkilatlar bilen birliship élip baridighan Uyghur irqiy qirghinchiliqi mesilisini tonushturush pa'aliyiti bashlan'ghan.

Bélgiyede chaqirilghan “Milliy görüsh” teshkilatining 30 ming kishilik chong yighinini tügitip, 20-may finlandiyege yétip kelgen dunya Uyghur qurultiyi re'isi dolqun eysa, qurultayning xelq'ara munasiwetler komitéti diréktori zumret'ay erkin, d u q ning yawropa ittipaqidiki wekili sheyla we gollandiyediki lagér shahiti qelbinur sidiq qatarliqlar 21-may etigen finlandiyediki pa'aliyitining tunji künide, xelq'ara hemkarliq teshkilati, xelq'ara kechürüm teshkilati, finlandiye kishilik hoquq teshkilati, finlandiye ishchilar hoquqi teshkilati we finlandiyediki axbarat wasitilirining qatnishishida mejburiy emgekni öz ichige alghan Uyghur irqiy qirghinchiliqi heqqide doklat bergen. Qurultay re'isi dolqun eysa bu ziyaret heqqidiki bezi melumatlarni we meqsitini radiyo anglighuchilar bilen ortaqlashti.

RFA/Hebibulla Izchi

Bu qétimqi pa'aliyetke qatnashqan, xelq'ara hemkarliq teshkilatining Uyghur mejburiy emgiki mesilisi pirogrammisi mes'uli, finlandiyede yashaydighan Uyghur qizi pezilet isma'il bu heqte tepsiliy melumat berdi. U, finlandiyening téxi “Uyghur irqiy qirghinchiliqini étirap qilmighanliqini we bu pa'aliyetni teshkilleshning meqsitining finlandiyede Uyghur irqiy qirghinchiliqini tonutush ikenlikini otturigha qoydi.

Dunya Uyghur qurultiyining yawropa ittipaqidiki wekili sheyla xanimmu, bu pa'aliyet heqqide melumat bérip, “Bügünki doklat finlandiyeni yawropa ittipaqining kishilik hoquq we qimmet qarishigha hörmet qilish, uni qoghdashqa chaqiriq qilish, shundaqla Uyghur irqiy qirghinchiliqi we Uyghur mejburiy emgikini tonutush roligha ige” dédi.

RFA/Hebibulla Izchi

21-May küni chüshtin burunqi pa'aliyette gollandiyedin kelgen lagér shahini qelbinur sidiqmu, özining lagér hayati we xitayning jaza lagérliridiki mejburiy emgiki heqqide guwahliq bergen. U, ziyaritimizni qobul qilip öz qarashlirini bayan qildi.

Shu küni chüshtin kéyin dolqun eysa, zumret'ay erkin we qelbinur sidiqlar finlandiyening “Dunya resimler zhurnili”, “Chet ellik siyasetchi” qatarliq gézit-zhurnallarning ziyaritini qobul qilghan bolup, dolqun eysa, özining bu ziyaretlerde finlandiye ziyaretlirining meqsiti we finlandiye hökümiti hem xelqidin kütidighan ümidlirini otturigha qoyghanliqini bildürdi.

RFA/Hebibulla Izchi

Dolqun eysa yene finlandiyening skandinawiye döletliri ichide küchlük tesirge ige dölet ikenliki we özlirining bu dölettiki ziyaritining ehmiyiti toghrisida toxtaldi.

Xelq'ara hemkarliq teshkilati döletler we milletlerning öz teqdirini özliri belgilesh we yerlik xelqlerning azadliq herikitini asas qilghan, pütün dunya miqyasida pa'aliyet élip baridighan bir xelq'araliq organ bolup, qurulghandin buyan, herqaysi ellerdiki adwokatlar guruppisi, shexs we organlar bilen munasiwet ornitip kelmekte. D u q ning bu qétimqi pa'aliyitinimu del mushu organ teshkilligen we bu qétimqi pa'aliyetke bu teshkilatning finlandiyede tughulup chong bolghan bir Uyghur qizi yétekchilik qilghan.

Dunya Uyghur qurultiyining finlandiyediki bu pa'aliyiti yene üch kün dawam qilidiken.