Dunya Uyghur qurultiyi rehberliri méksika we jenubiy afriqada ziyarette boldi
2024.11.15
Dunya Uyghur qurultiyi dunyaning oxshimighan qit'eliridiki döletler hökümetliri we parlaméntliri bilen alaqe qurush arqiliq, bu döletlerning Uyghurlar uchrawatqan irqiy qirghinchiliq we insaniyetke qarshi jinayiti heqqidiki tonushini östürüsh meqset qilghan bir qatar diplomatik pa'aliyetlerni élip barghan. Dunya Uyghur qurultiyi mu'awin re'isi zumret'ay erkin 11-ayning 4-künidin 8-künigiche latin amérikasi döliti bolghan méksikada ziyarette bolup, u yerde bir qisim hökümet emeldarliri, parlamént ezaliri we bir qisim ammiwi teshkilatlar bilen uchrashqan.
Dunya Uyghur qurultiyi mu'awin re'isi zumret'ay erkin radiyomizgha qilghan sözide, méksikaning b d t qatarliq xelq'araliq organlardiki qararlarning élinishida muhim rol oynaydighan bir dölet ikenlikini nezerde tutqanda, bu dölette Uyghurlar heqqidiki tonushni östürüshning zörürlükini bildürdi.
Zumret'ay méksikadiki ziyariti dawamida yene, u yerde ikki chong pa'aliyetke qatnashqan. U méksika kishilik hoquq komitéti uyushturghan yighinda söz qilip, Uyghur xelqige qarshi dawam qiliwatqan irqiy qirghinchiliq heqqide melumat bergen we Uyghurlarning méksika we bashqa latin amérikasi döletlirige bolghan teleplirini otturigha qoyghan.
Zumret'ay erkin latin amérikasi döletliride démokratiye we kishilik hoquqni teshebbus qilish meqsitide échilidighan xelq'araliq yighin “Foro América Libre” yeni “Erkin amérika munbiri” ge qatnashqan. U bu yerde herqaysi döletlerdin kelgen siyasiyonlar we ammiwi teshkilatlar bilen uchrashqan.
11-Noyabir künidin bashlap, dunya Uyghur qurultiyining re'isi turghunjan alawudun, mu'awin re'isi zumret'ay erkin we sabiq re'isi dolqun eysa qatarliqlar birlikte jenubiy afriqada ziyaretlirini bashliwetken we u yerde hökümet we parlamént ezaliri bilen uchrashqan.
Dolqun eysa ependining bizge déyishiche, ular jenubiy afriqadiki ziyariti arqiliq xitay hökümitining bu döletlerde Uyghur irqiy qirghinchiliqini yoshurush üchün qiliwatqan tetür teshwiqatlirigha qarshi turup, bu döletlerning chüshenchisini östürüshni we ularning qollishini qolgha keltürüshni meqset qilghan iken.
Melum bolushiche, dunya Uyghur qurultiyi rehberlirining jenubiy afriqadiki ziyariti téxi ayaghlashmay turupla, yeni 15-noyabir küni jenubiy afriqa parlaméntida Uyghurlar uchrawatqan irqiy qirghinchiliq heqqide munazire bolghan bolup, parlamént ezaliri bu mesilini parlaméntta otturigha qoyghan. Zumret'ay xanim buning bu qétimliq ziyaretning bir netijisi bolup qalghanliqini bildürdi.
Köp körülgen xewerler
RFA
- Kambodzhadin qayturulghan memet'eli rozining 37 yéshida yeken türmiside jan üzgenliki delillendi
- Taylandning enqerede turushluq bash elchisi taylandning 48 Uyghurni xitaygha qayturmaydighanliqini bildürgen
- Yawropa döletliride Uyghurlar namayish qilip, taylandtiki Uyghurlarning qoyup bérilishini telep qildi
- Xitayning “Shinjang güllirining toyluqi erzan” élanlirini hökümet qollighan
- “Uyghur herikiti” teshkilati tokyoda pa'aliyetchilerge terbiyelesh kursi achti
Köp körülgen xewerler
Tepsiliy xewer
- Orxun torbétining sahibi, tarixchi tursunjan hézim qaytidin muddetsiz késiwétilgen
- Gollandiyediki Uyghurlar namayish qilip, taylandtiki Uyghurlarning derhal qoyup bérilishini telep qildi
- D u q myunxéndiki Uyghur jama'itige öz xizmetliridin melumat berdi we töhpe yaratqanlarni mukapatlidi
- 48 Uyghurning mesilisi üchün d u q ning bir hey'iti taylandta pa'aliyet élip bardi
- Trampning tashqiy ishlar ministiri namzati marko rubiyo, xitayning amérika üchün “Eng chong tehdit” ikenlikini agahlandurdi