Istanbulda d u q wexpening 2-nöwetlik qurghuchi hey'etler omumiy yighini chaqirildi

Ixtiyariy muxbirimiz erkin tarim
2021-11-29
Share
Istanbulda d u q wexpening 2-nöwetlik qurghuchi hey'etler omumiy yighini chaqirildi D u q wexpening istanbuldiki ishxanisida chaqirilghan 2-nöwetlik qurghuchi hey'etler omumiy yighinidin körünüsh. 2021-Yili 28-noyabir, türkiye.
RFA/Erkin Tarim

Uyghur mesilisining xelq'aralishishigha egiship, dunya Uyghur qurultiyi dunyaning her qaysiy jayliridiki pa'aliyetlirini téximu kücheytishke tirishmaqta. Bu meqset bilen 2021-yili 3-ayning 27-küni türkiyede dunya Uyghur qurultiyi wexpining qurulghan idi.

11-Ayning 28-küni d u q wexpening istanbuldiki ishxanisida 2-nöwetlik qurghuchi hey'etler omumiy yighini chaqirildi. Yighin'gha wexpening bashqurush hey'et ezaliri we teptish hey'etliri qatnashti. Türkiye bilen sherqiy türkistanning istiqlal marshini oqush bilen bashlan'ghanbu yighinda dunya Uyghur qurultiyi wexpining re'isi abduréshit abduxemit ependi xizmet doklatini oqup ötti.

D u q wexpening istanbuldiki ishxanisida chaqirilghan 2-nöwetlik qurghuchi hey'etler omumiy yighinida sherqiy türkistan wexpesining sabiq re'isi hamutxan göktürk we doktor erkin ekrem. 2021-Yili 28-noyabir, türkiye.
D u q wexpening istanbuldiki ishxanisida chaqirilghan 2-nöwetlik qurghuchi hey'etler omumiy yighinida sherqiy türkistan wexpesining sabiq re'isi hamutxan göktürk we doktor erkin ekrem. 2021-Yili 28-noyabir, türkiye.

U doklatida d u q wexpi qurulghan kündin taki bügün'giche qilghan xizmetlirini anglatti. U sözide mezkur wexpening qisqighina waqit ichide tereqqiy qilip, toluq kurs, magéstirliq we doktorluq oquwatqan oqughuchilardin bolup, jem'iy 101 Uyghur oqughuchigha oqush mukapat puli béreleydighan sewiyege yetkenlikini, buningdin kéyin téximu köp Uyghur oqughuchilargha oqush mukapat puli bérish üchün tirishidighanliqini otturigha qoydi.

Yighinda d u q ning mu'awin re'isi doktor erkin ekrem ependi, mezkur wexpening re'is wekili dilshat barishchi ependi, mu'awin re'is erkin berdash ependi, maliye ishliri mudiri memet eli ependiler wexpening bundin kéyin némelerni qilishi kérekliki toghrisidiki telep-pikirlirini otturigha qoyup ötti. D u q wexpining re'isi abdureshit abduxemit ependi ziyaritimizni qobul qilip, bu yighin toghrisida bizge tepsiliy melumat berdi.

D u q wexpening istanbuldiki ishxanisida chaqirilghan 2-nöwetlik qurghuchi hey'etler omumiy yighinida hey'etler. 2021-Yili 28-noyabir, türkiye.
D u q wexpening istanbuldiki ishxanisida chaqirilghan 2-nöwetlik qurghuchi hey'etler omumiy yighinida hey'etler. 2021-Yili 28-noyabir, türkiye.

Yighin axirlashqandin kéyin dunya Uyghur qurultiyining mu'awin re'isi doktor erkin ekrem ependining teshebbusi bilen istanbuldiki tarxan Uyghur résto'anida pragada chaqirilghan 7-nöwetlik wekiller qurultiyining wekilliri bilen yighin ötküzüldi. Mezkur yighinda qurultaygha baralmighan wekillerning guwahnamisini tarqitip bérilgendin kéyin, bundin kéyinki xizmet pilani heqqide muzakire élip bérildi.

Yighinda aldi doktor erkin ekrem ependi söz qilip, d u q ning qurulush meqsiti, qurulmisi, bésip ötken musapisi we xelq'aradiki orni toghrisida melumat bergendin kéyin, 20 etrapida wekilge guwahnamilirini tarqitip bérildi.

Murasim axirlashqandin kéyin, d u q wexpening re'isi abdureshit abdulxemit ependini ziyaret qilduq. U bu pa'aliyetni ötküzüshtiki meqsitining d u q ning türkiyede élip barmaqchi bolghan pa'aliyetliri toghrisida muzakire élip bérish ikenlikini tekitlidi.

Yighinda péshqedem pa'aliyetchi, sherqiy türkistan wexpesining sabiq re'isi hamutxan göktürk ependige uning muhajirettiki sherqiy türkistan dawasigha qoshqan töhpisi we qilghan xizmetliri üchün médal bérildi. U yighin axirida öz tuyghulirini bayan qilip ötti.

D u q 7-nöwetlik qurultiyining wekili eziz Uyghur ependi ziyaritimizni qobul qilip, bundin kéyin küchining yétishiche d u q qa xizmet qilidighanliqini bayan qildi.

Bu yil 3-ayning 27-küni chüshtin kéyin istanbuldiki gre'enpark méhmanxanisida d u q wexpesining 1-nöwetlik qurghuchi hey'etler omumiy yighini chaqirilghan idi. Türkiyede 1985-yili qurulghan sherqiy türkistan wexpesi, 1995-yili qurulghan eysa yüsüp alptékin wexpesi, 2000-yillardin kéyin qurulghan sultan satuq bughraxan wexpesi we sherqiy türkistan tetqiqat wexpesi qatarliq wexpeler hazirmu aktip pa'aliyet élip barmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet