Esirge sozulghan wetensizlik: ghulamidin paxtaning hayati (5-qisim)

Washin'gtondin muxbirimiz qutlan teyyarlidi
2024.04.05

Amérika bilen sabiq sowétlar ittipaqini merkez qilghan ikki lagér otturisidiki soghuq urush ewjige kötürülgen 1960-yillarda, gérmaniyening myunxén shehiridin anglitish béridighan “Azadliq radiyosi” ning Uyghurche programmilirimu barghanséri janlinidu. Del mushu yillarda ghulamidin paxta “Azadliq radiyosi” teripidin nyu-yorktiki bash shitabqa ewetilip, ottura asiya xewerlirini anglitidighan muxbirliqqa teyinlinidu.

Ghulamidin paxta a'ilisini élip, nyu-york shehirige yerleshken 1966-yilida, pütkül amérikada aran ikki neper Uyghur mewjut idi. Ene shuningdin bashlap ghulamidin paxtaning amérikadiki hayati bashlinidu. U bu jeryanda “Azadliq radiyosi” ning nyu-yorktiki bash shitabidin bashqa yene, “Pan-amérika hawa yolliri” da, “Amérika awazi” ning özbékche bölümide qoshumche xizmet qilidu.

Shu yillarda u yene aktip siyasiy pa'aliyet élip bériwatqan “Amérika türkistanliqlar birleshmisi” ning mu'awin re'islikini üstige élip, sherqiy türkistanning ay-yultuzluq kök bayriqini nyu-yorkning kochilirida lepilditidu. “Türkistan birliki awazi” zhurnilining bash muherrirlikini öteydu.

Dunyaning qaysi jayida Uyghurlar we ottura asiya témisida yighinlar yaki pa'aliyetler ötküzülse, shu yerge uchup bérip qatnishidu. Qisqisi, 1980-yillarning ikkinchi yérimidin bashlap amérikada oqush üchün kélishke bashlighan Uyghur oqughuchilar peyda bolghan'gha qeder, u Uyghurlarning awazini amérika hökümiti we xelqige anglatqan yégane kishi bolup kelgen idi.

Mezkur höjjetlik filimning 5-qismigha qiziqsingiz, töwendiki ulanmini bésip kiring!

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.