Роза һейтта истанбулдики уйғур тәшкилатлири вә уйғурлар бирликтә һейтлишиш паалийити өткүзди

Истанбулдин ихтиярий мухбиримиз арслан тәйярлиди
2024.04.12
istanbul-roza-heyt-1

Уйғурларниң һейтлишиш паалийитидин көрүнүш. 2024-Йили 11-апрел, истанбул. RFA/Arslan

istanbul-roza-heyt-2

Хәлқара шәрқий түркистан тәшкилатлири бирлики рәиси һидайәтулла оғузхан әпәнди уйғурларниң һейтлишиш паалийитидә сөздә. 2024-Йили 11-апрел, истанбул. RFA/Arslan

istanbul-roza-heyt-3

Дуня уйғур қурултийи вәхпи рәиси абдурешит абдулһамит әпәнди уйғурларниң һейтлишиш паалийитидә сөздә. 2024-Йили 11-апрел, истанбул. RFA/Arslan

istanbul-roza-heyt-4

Хәлқара шәрқий түркистан тәшкилатлири бирлики рәиси һидайәтулла оғузхан әпәнди уйғурларниң һейтлишиш паалийитидә сөздә. 2024-Йили 11-апрел, истанбул. RFA/Arslan

istanbul-roza-heyt-5

Җамаәт әрбаби абдуқадир япчан әпәнди уйғурларниң һейтлишиш паалийитидә сөздә. 2024-Йили 11-апрел, истанбул. RFA/Arslan

istanbul-roza-heyt-6

Шәрқий түркистан өлималар бирлики рәиси доктор алимҗан боғда уйғурларниң һейтлишиш паалийитидә сөздә. 2024-Йили 11-апрел, истанбул. RFA/Arslan

istanbul-roza-heyt-7

Шәрқий түркистанлиқлар федератсийәси рәиси мәхмут дамоллам сөзлимәктә. 2024-Йили 11-апрел, истанбул. RFA/Arslan

istanbul-roza-heyt-8

Шәрқий түркистан җәмийити рәиси али салиһ әпәнди уйғурларниң һейтлишиш паалийитидә сөздә. 2024-Йили 11-апрел, истанбул. RFA/Arslan

istanbul-roza-heyt-9

Шәрқий түркистан или мәшрәп уйғур вәхпи рәиси иминҗан әпәнди уйғурларниң һейтлишиш паалийитидә сөздә. 2024-Йили 11-апрел, истанбул. RFA/Arslan

Истанбул түркийәдики уйғурлар әң көп олтурақлашқан шәһәрләрдин бири болуп һесаблиниду. Бу шәһәрдә бирқисм уйғур тәшкилатлири паалийәт қилиду. Бу йил роза һейт мунасивити билән һейтниң 2-күни, йәни 11-апрел пәйшәнбә күни истанбулдики уйғурлар вә уйғур тәшкилатлири бир йәргә җәм болуп роза һейтни бирликтә өткүзди.

Паалийәттә бир қисим уйғур тәшкилатлириниң рәһбәрлири сөз қилип, өз-ара бирлик, баравәрликни вә қериндашлиқ риштини күчәйтишни тәкитлиди.

Бу һейтлишиш паалийити, хәлқара шәрқий түркистан тәшкилатлири бирлики, дуня уйғур қурултийи вәхписи, шәрқий түркистан өлималар бирлики, шәрқий түркистан җәмийити, шәрқий түркистанлиқлар федератсийәси, шәрқий түркистан или мәшрәп уйғур вәхписи қатарлиқ иҗтимаий тәшкилатларниң бирликтә уюштуруши билән өткүзүлгән болуп, бу һейтлишиш паалийитигә әр-аял вә өсмүрләр болуп 2000 дин артуқ уйғур қатнашти.

Паалийәт қуран кәрим тилавәт қилиш билән башланди. Паалийәттә хәлқара шәрқий түркистан тәшкилатлири бирлики рәиси һидайәтуллаһ оғузхан сөз қилип мундақ деди: “пүтүн ислам дуняси бүгүнки мубарәк күндә шатлиқ ичидә роза һейтини тәнтәнә қиливатқан болсиму шәрқий түркистанда хәлқимизниң рамизан ейини, һейт байрамни өткүзәлмәйватқанлиқини, искәнҗә вә асарәт ичидә иңраватқанлиқини һәммимиз билимиз. Шуниң үчүн дияспорадики шәрқий түркистанлиқ қериндашлиримизму гәрчә азад вә һөр дуняда яшаватқан болсақму, охшашла йүрикимизниң бир парчиси болған хәлқимиз вәтәндә еғир бир әһвалда туруватқан бир пәйттә йетип кәлгән бу роза һейтни һәқиқий мәнидә тәнтәнә қилип өткүзәлмәйватимиз”.

Паалийәттә сөз қилған дуня уйғур қурултийи вәхписиниң рәиси абдурешит абдулһәмид йиғин әһлиниң роза һейтини тәбриклиди вә роза һейтни хушал өткүзүшни әнәниви уйғур самалири вә миллий әнәниви сәнәтлири билән тәнтәнә қилип һейтлишип өткүзүшни арзу қилидиғанлиқини ипадилиди.

У сөзидә йәнә муһаҗирәттики уйғурларниң бир йәргә җәм болуп һейтлишиш паалийити өткүзүшниң бирлик үчүн әһмийәтлик икәнликини тәкитлиди.

Паалийәттә сөз қилған шәрқий түркистан өлималар бирлики рәиси доктор алимҗан буғда алди билән йиғин әһлиниң роза һейтини тәбриклиди вә һейт мунасивити билән бир йәргә җәм болған уйғурларниң өз-ара инақ өтүши, бирлик вә достлуқни күчәйтиши керәкликини тәкитлиди.

Җамаәт әрбаби абдуқадир япчан уйғурларниң бир йәргә йиғилип паалийәт қилишиниң бирликни күчәйтиш ролини ойнайдиғанлиқини тәкитлиди.

Паалийәттә яшлар шеир декламатсийә қилди вә йәнә бир қисим җамаәт әрбаблири, тәшкилат мәсуллири сөз қилип, һейтни тәбрикләшти. Паалийәт қатнашқучилириму өз ара бир-бирини тәбрикләшти.

Истанбулда өткүзүлгән бу һейтлишиш паалийити тамақ зияпитидин кейин қизғин кәйпият ичидә ахирлашти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.