Roza héytta istanbuldiki Uyghur teshkilatliri we Uyghurlar birlikte héytlishish pa'aliyiti ötküzdi

Istanbuldin ixtiyariy muxbirimiz arslan teyyarlidi
2024.04.12
istanbul-roza-heyt-1

Uyghurlarning héytlishish pa'aliyitidin körünüsh. 2024-Yili 11-aprél, istanbul. RFA/Arslan

istanbul-roza-heyt-2

Xelq'ara sherqiy türkistan teshkilatliri birliki re'isi hidayetulla oghuzxan ependi Uyghurlarning héytlishish pa'aliyitide sözde. 2024-Yili 11-aprél, istanbul. RFA/Arslan

istanbul-roza-heyt-3

Dunya Uyghur qurultiyi wexpi re'isi abduréshit abdulhamit ependi Uyghurlarning héytlishish pa'aliyitide sözde. 2024-Yili 11-aprél, istanbul. RFA/Arslan

istanbul-roza-heyt-4

Xelq'ara sherqiy türkistan teshkilatliri birliki re'isi hidayetulla oghuzxan ependi Uyghurlarning héytlishish pa'aliyitide sözde. 2024-Yili 11-aprél, istanbul. RFA/Arslan

istanbul-roza-heyt-5

Jama'et erbabi abduqadir yapchan ependi Uyghurlarning héytlishish pa'aliyitide sözde. 2024-Yili 11-aprél, istanbul. RFA/Arslan

istanbul-roza-heyt-6

Sherqiy türkistan ölimalar birliki re'isi doktor alimjan boghda Uyghurlarning héytlishish pa'aliyitide sözde. 2024-Yili 11-aprél, istanbul. RFA/Arslan

istanbul-roza-heyt-7

Sherqiy türkistanliqlar fédératsiyesi re'isi mexmut damollam sözlimekte. 2024-Yili 11-aprél, istanbul. RFA/Arslan

istanbul-roza-heyt-8

Sherqiy türkistan jem'iyiti re'isi ali salih ependi Uyghurlarning héytlishish pa'aliyitide sözde. 2024-Yili 11-aprél, istanbul. RFA/Arslan

istanbul-roza-heyt-9

Sherqiy türkistan ili meshrep Uyghur wexpi re'isi iminjan ependi Uyghurlarning héytlishish pa'aliyitide sözde. 2024-Yili 11-aprél, istanbul. RFA/Arslan

Istanbul türkiyediki Uyghurlar eng köp olturaqlashqan sheherlerdin biri bolup hésablinidu. Bu sheherde birqism Uyghur teshkilatliri pa'aliyet qilidu. Bu yil roza héyt munasiwiti bilen héytning 2-küni, yeni 11-aprél peyshenbe küni istanbuldiki Uyghurlar we Uyghur teshkilatliri bir yerge jem bolup roza héytni birlikte ötküzdi.

Pa'aliyette bir qisim Uyghur teshkilatlirining rehberliri söz qilip, öz-ara birlik, barawerlikni we qérindashliq rishtini kücheytishni tekitlidi.

Bu héytlishish pa'aliyiti, xelq'ara sherqiy türkistan teshkilatliri birliki, dunya Uyghur qurultiyi wexpisi, sherqiy türkistan ölimalar birliki, sherqiy türkistan jem'iyiti, sherqiy türkistanliqlar fédératsiyesi, sherqiy türkistan ili meshrep Uyghur wexpisi qatarliq ijtima'iy teshkilatlarning birlikte uyushturushi bilen ötküzülgen bolup, bu héytlishish pa'aliyitige er-ayal we ösmürler bolup 2000 din artuq Uyghur qatnashti.

Pa'aliyet qur'an kerim tilawet qilish bilen bashlandi. Pa'aliyette xelq'ara sherqiy türkistan teshkilatliri birliki re'isi hidayetullah oghuzxan söz qilip mundaq dédi: “Pütün islam dunyasi bügünki mubarek künde shatliq ichide roza héytini tentene qiliwatqan bolsimu sherqiy türkistanda xelqimizning ramizan éyini, héyt bayramni ötküzelmeywatqanliqini, iskenje we asaret ichide ingrawatqanliqini hemmimiz bilimiz. Shuning üchün diyasporadiki sherqiy türkistanliq qérindashlirimizmu gerche azad we hör dunyada yashawatqan bolsaqmu, oxshashla yürikimizning bir parchisi bolghan xelqimiz wetende éghir bir ehwalda turuwatqan bir peytte yétip kelgen bu roza héytni heqiqiy menide tentene qilip ötküzelmeywatimiz”.

Pa'aliyette söz qilghan dunya Uyghur qurultiyi wexpisining re'isi abduréshit abdulhemid yighin ehlining roza héytini tebriklidi we roza héytni xushal ötküzüshni en'eniwi Uyghur samaliri we milliy en'eniwi sen'etliri bilen tentene qilip héytliship ötküzüshni arzu qilidighanliqini ipadilidi.

U sözide yene muhajirettiki Uyghurlarning bir yerge jem bolup héytlishish pa'aliyiti ötküzüshning birlik üchün ehmiyetlik ikenlikini tekitlidi.

Pa'aliyette söz qilghan sherqiy türkistan ölimalar birliki re'isi doktor alimjan bughda aldi bilen yighin ehlining roza héytini tebriklidi we héyt munasiwiti bilen bir yerge jem bolghan Uyghurlarning öz-ara inaq ötüshi, birlik we dostluqni kücheytishi kéreklikini tekitlidi.

Jama'et erbabi abduqadir yapchan Uyghurlarning bir yerge yighilip pa'aliyet qilishining birlikni kücheytish rolini oynaydighanliqini tekitlidi.

Pa'aliyette yashlar shé'ir déklamatsiye qildi we yene bir qisim jama'et erbabliri, teshkilat mes'ulliri söz qilip, héytni tebrikleshti. Pa'aliyet qatnashquchilirimu öz ara bir-birini tebrikleshti.

Istanbulda ötküzülgen bu héytlishish pa'aliyiti tamaq ziyapitidin kéyin qizghin keypiyat ichide axirlashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.