Rabiye qadir xanim: qorchaq re'isning bayanliri basturush obyéktining Uyghurlar ikenlikini ashkarilidi

Xitay hökümiti bashqurushidiki “Shinjang géziti” 20-aprél, Uyghur aptonom rayonluq partkomning mu'awin sékrétari, aptonom rayonning re'isi shöhret zakirning “Ijtima'iy muqimliq we ebediy eminlikni qet'iy tewrenmey ilgiri sürüsh” heqqidiki sözlirini bash maqale süpitide élan qildi.

Uningda Uyghur aptonom rayonning “Ezeldin xitayning ayrilmas bir qismi ikenliki”, aptonomiye hoquqi “Peqet bir millet behrimen bolidighan hoquq emes” liki tekitligen.

Shöhret zakir Uyghur aptonom rayonining re'isi bolush süpiti bilen éytqan sözliride “Uyghur qérindashlar oyghinayli” dep, mexsus Uyghurlargha xitab qilghan we “Üch xil küch” ning, “Zorawan-térrorchilar” ning rezil qilmishi aldida sükütte turuwélish” ning hemmisi “Jinayetchilerni qanat astigha alghanliq...” dep Uyghurlarni agahlandurghan.

Uning Uyghurlarni ayrip nishan'gha alghan tehditi sözlirining bekrek diqqitini chekkenlikini bildürgen d u q re'isi rabiye qadir xanim “Qorchaq re'is shöhret zakirning bayanlirining özi, xitay hökümitining basturush obyéktining Uyghurlar ikenlikining, shundaqla xitayning Uyghurlarning oyghan'ghanliqidin qorqup ketkenlikining ispati” dep körsetti.

Nöwette muxbirimiz gülchéhrening rabiye qadir xanim bilen söhbitige ishtirak qilghaysiz.