D u q myunxéndiki Uyghur jama'itige öz xizmetliridin melumat berdi we töhpe yaratqanlarni mukapatlidi

Myunxéndin ixtiyariy muxbirimiz ekrem teyyarlidi
2025.01.21
duq-turghunjan-alawudun-dolqun-eysa-1024 Ongdin solgha dolqun eysa, perhat muhemmidi, turghunjan alawudun. 2025-Yili 19-yanwar. Myunxén
RFA/Ekrem

19-Yanwar küni gérmaniyening myunxén shehiridiki dunya Uyghur qurultiyi (d u q) ning bash merkizide Uyghur jama'itige d u q ning 8-nöwetlik qurultaydin kéyinki xizmetliridin melumat bérish, jama'etning pikir-teleplirini anglash we dewa yolida xizmet körsetken töhpikar shexslerni mukapatlash murasimi bolup ötti. “Nashtiliq” dep atalghan bu murasimgha myunxéndiki köp sandiki Uyghurlar qatnashti.

Myunxéndiki dunya Uyghur qurultiyining merkizide ötküzülgen “Nashtiliq” pa'aliyitide dunya Uyghur qurultiyining re'isi turghunjan alawudun sözlewatidu, 2025-yili 19-yanwar. Myunxén
Myunxéndiki dunya Uyghur qurultiyining merkizide ötküzülgen “Nashtiliq” pa'aliyitide dunya Uyghur qurultiyining re'isi turghunjan alawudun sözlewatidu, 2025-yili 19-yanwar. Myunxén
RFA/Ekrem

Murasim jeryanida, d u q ning sabiq re'isi dolqun eysa ependi d u q ning sabiq mu'awin re'isi perhat muhemmidi ependining hayat kechmishlirini tonushturup ötti. U sözide, perhat muhemmidining muhajirettiki Uyghur milliy mujadile tarixida siyasiy, teshkiliy, axbarat qatarliq jehetlerde yaratqan töhpilirini mu'eyyenleshtürüp, d u q ning uninggha ton keydürüp teqdirleshni layiq körgenlikini jakarlidi.

D u q re'isi turghunjan alawudun ependi bu heqte ziyaritimizni qobul qilghanda, mezkur murasimning asasliq meqsitining d u q ning 2024-yilliq xizmetlirining xulasisini jama'etke bildürüsh, 2025-yilliq xizmet pilanliridin ammini xewerlendürüsh hemde uzun yillardin buyan bu dewa yolida xizmet qilip kelgen pidakar shexslerni mukapatlash ikenlikini bildürdi.

Soldin onggha dolqun eysa, perhat muhemmidi, turghunjan alawudun. 2025-Yili 19-yanwar. Myunxén
Soldin onggha dolqun eysa, perhat muhemmidi, turghunjan alawudun. 2025-Yili 19-yanwar. Myunxén
RFA/Ekrem

Bu kütülmigen mukapat perhat muhemmidi ependini hayajan'gha saldi. U ton keydürülgendin kéyinki alqish sadalirini ichide qilghan sözide, Uyghur millitining weten we millet yolida xizmet qilghan insanlarni herqachan hörmetlep we qedirlep kéliwatqan ésil en'enige ige bir millet bolghanliqini tilgha aldi.

Perhat muhemmidi ependi bu murasim heqqide ziyaritimizni qobul qilghanda, özining muhajirettiki 32 yilliq siyasiy küresh musapiside tunji qétim bu xil mukapat tonigha na'il bolghanliqini eskertti. U sözide yene, 1985-yili aliy mektepni püttürüp axbaratchiliq bilen shughullinip kelgendin buyanqi 40 yilliq axbaratchiliq hayatida özining weten, milletning menpe'eti üchün ejir qilip kelgenlikidin iptixarlinidighanliqini bayan qildi.

Pa'aliyet qizghin söhbet we kolléktip nashtiliqtiki qérindashliq méhride köpligen ezgü tilekler bilen axirlashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.