Qirghizistan Uyghurliri “Ittipaq” jem'iyitining 11-qurultiyini ötküzdi

Bishkektin ixtiyariy muxbirimiz féruze teyyarlidi
2025.01.14
ittipaq-11-qurultay-1.jpg Qirghizistan Uyghurliri “Ittipaq” jem'iyitining 11-qurultiyining qurultay teshkiliy komitéti ezaliri. 2025-Yili 12-yanwar, bishkek.
RFA/Féruze

12-Yanwar qirghizistan Uyghurliri “Ittipaq” jem'iyiti 11-nöwetlik pewqul'adde qurultay ötküzdi. Qurultay bishkek shehirining yénidiki alamidin nahiyesining medeniyet öyide uyushturuldi. Qurultaygha qirghizistanning chuy wilayiti shundaqla osh, jalal-abad we qaraqol sheherlerdiki Uyghur jama'et wekilliri bolup, 510 wekil awaz bérishti. Mezkur qurultaygha yene qirghizistan xelq assambléyesi kéngishining ezaliri qatnashti.

Qurultayning kün tertipige üch mesile qoyulghan bolup, bular: “Ittipaq” jem'iyitining 2023-yili mart éyidin tartip 2024-yili noyabir éyighiche élip barghan ishliri heqqide hésabat bérish, “Ittipaq” jem'iyitining maliye komitétining hésabat bérishi we “Ittipaq” jem'iyitining yéngi re'isini saylap chiqish.

Qirghizistan Uyghurliri “Ittipaq” jem'iyitining 11-qurultiyida ittipaq jem'iyitining sabiq re'isi dilmurat akberof ependi sözlimekte. 2025-Yili 12-yanwar, bishkek.
Qirghizistan Uyghurliri “Ittipaq” jem'iyitining 11-qurultiyida ittipaq jem'iyitining sabiq re'isi dilmurat akberof ependi sözlimekte. 2025-Yili 12-yanwar, bishkek.
RFA/Féruze

11-Qurultayning muweppeqiyetlik élip bérilishi üchün zumret ruziyéwa xanimning bashchiliqida qurultay teshkiliy komitéti qurulghan. “Ittipaq” jem'iyitining re'islikige üch namzat körsitilgen bolup, ular esqer qasimof, nuraniya qasimowa we esed tilibayéwtur. Lékin, bezi sewebler bilen esed tilibayéf re'islik namzitini bikar qildi.

Mezkur qurultay qirghizistan jumhuriyitining dölet gimni bilen resmiy échilip ayallar kéngishining ezasi, hoquqshunas méhrinisa salayéwaning riyasetchilikide élip bérildi. Qurultayda “Ittipaq” jem'iyitining maliye komitétining re'isi nuraniya qasimowa xizmetliri heqqide hésabat bérip, shu ikki yil jeryanida élip barghan ishlirining alahidilikining biri “Ittipaq” gézitining tehriri we xizmetchilirining ma'ashini östürüshi ikenlikini eskertti.

Qirghizistan Uyghurliri “Ittipaq” jem'iyitining 11-qurultiyigha méhrinisa sala'éwa xanim riyasetchilik qilmaqta. 2025-Yili 12-yanwar, bishkek.
Qirghizistan Uyghurliri “Ittipaq” jem'iyitining 11-qurultiyigha méhrinisa sala'éwa xanim riyasetchilik qilmaqta. 2025-Yili 12-yanwar, bishkek.
RFA/Féruze

Qurultay jeryanida bir nechche wekiller öz iradisi bilen ixtiyariy sözge teklip qilinip oxshimighan pikirlerni otturigha qoyushti. “Ittipaq” jem'iyitining sabiq re'isi dilmurat ekberof ependi sözge chiqip jama'etni ittipaqliqqa teklip qildi. U, mundaq dédi:

Qurultayning kün tertipige qoyulghan ikki mesile qaralghandin kéyin asasliq mesile “Ittipaq” jem'iyitining re'isini saylash tertipi bashlandi. Aldi bilen namzat esqer qasimof öz pirogrammisini élan qilip, Uyghur xelqining medeniyitini rawajlandurush we we Uyghur xelqining qirghiz tilini öginishining eng asasliq wezipe ikenlikini tekitlidi. Kéyin namzat nuraniya qasimowa öz pirogrammisini élan qilip Uyghur xelqining tili we medeniyitini rawajlandurushini tilgha élip we qirghizistandiki pütkül Uyghur teshkilatlirining zich munasiwette bolushi kéreklikini eskertti.

Qirghizistan Uyghurliri “Ittipaq” jem'iyitining 11-qurultiyi mezgilide qirghizistan xelq assambléyesi kéngishining mu'awin re'isi aliyéf uzbék adamowich ependi sözlimekte. 2025-Yili 12-yanwar, bishkek.
Qirghizistan Uyghurliri “Ittipaq” jem'iyitining 11-qurultiyi mezgilide qirghizistan xelq assambléyesi kéngishining mu'awin re'isi aliyéf uzbék adamowich ependi sözlimekte. 2025-Yili 12-yanwar, bishkek.
RFA/Féruze

Mezkur qurultaygha qatnashqan bishkekte turushluq yawropa parlaméntning xizmetchisi, dunya Uyghur qurultiyining qirghizistandin wekili perhad ibrahimof ependi ziyaritimizni qobul qilip qurultayning tertiplik ötkenlikini tilgha élip, saylam heqqide bir nechche tewsiyelerni berdi. U: “Méning pikrimche qurultay yaxshi ötti, biraq bezi téxnikiliq mesililer chiqip qaldi, kélechekte saylamni éléktironluq qilishni tewsiye qilimen, chünki bügünki künlerde nurghunlighan wasitiler bar, shundaqla bezi bésim we xapichiliqlarni saqlinish üchün saylam awaz bérishi mexpiy ussul bilen qilin'ghan bolsa téximu ünümlük bolatti” dédi.

Qirghizistan Uyghurliri “Ittipaq” jem'iyitining 11-qurultiyining teshkillishide xizmet körsetken Uyghur yashlar. 2025-Yili 12-yanwar, bishkek.
Qirghizistan Uyghurliri “Ittipaq” jem'iyitining 11-qurultiyining teshkillishide xizmet körsetken Uyghur yashlar. 2025-Yili 12-yanwar, bishkek.
RFA/Féruze

Mezkur qurultaygha qatnashqan bishkektiki atay ogonbayéw mehellisining yigit béshi xalmurat qemerdinof ependi ziyaritimizni qobul Uyghur xelqining menpe'eti we tereqqiyati üchün xizmet qilidighan re'is bilen birlikte ishleshning muhimliqini tekitlidi.

Qirghizistanning jenubidiki osh wilayitidiki qeshqer-qishlaq yézisining wekili shawket hésamidinof ependi ziyaritimizni qobul qilip yéngi saylan'ghan re'isning osh wilayitidiki Uyghur jama'itige köngül bölüshini ümid qilidighanliqini bildürdi.

Qurultaygha qatnashqan 510 wekilning pikirliri her xil bolghachqa, qurultay jeryanida bezi uqushmasliqlar chiqti, qaraqol shehiridin kelgen “Wéntus” kishilik hoquq teshkilatining re'isi kamiljan roziyéf ependi radiyomiz ziyaritini qobul qilip öz pikirliri bilen ortaqlashti.

Qirghizistan Uyghurliri “Ittipaq” jem'iyitining 11-qurultiyigha qatnashqan wekiller. 2025-Yili 12-yanwar, bishkek.
Qirghizistan Uyghurliri “Ittipaq” jem'iyitining 11-qurultiyigha qatnashqan wekiller. 2025-Yili 12-yanwar, bishkek.
RFA/Féruze

Qirghizistan Uyghurlirining “Ittipaq” jem'iyitining 11-qurultiyidiki saylam netijiside, esqer qasimof 342 awaz bilen “Ittipaq” jem'iysining yéngi re'isi bolup saylandi. Qirghizistan xelq assambléyesi kéngishining mu'awin re'isi aliyéf uzbék adamowich sözge teklip qilinip mundaq dédi: “Sizler bilgininglardek qirghizistan xelq assambléyesi kéngishining re'isi teripidin manga körsetme bérildi. Bu qurultay jem'iyetning testiqlan'ghan nizamnamisi boyiche ötüshi kérek idi, lékin bu yéngi nizamname iken, edliye ministirliqi teripidin téxi testiqlanmighan iken, shuning üchün bu qurultayning qanunluq bahasi qirghizistan xelq assambléyesi kéngishining qanun komitétining yighinida muzakire qilinip, yekün chiqirilidu”.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.