Amérikida prézidént saylimi ötküzüldi

6-Noyabir küni amérika qoshma shtatlirining prézidént saylimi küni.
Muxbirimiz ümidwar
2012.11.06

Bu kün pütün amérika boyiche prézidént saylimi bolup, awaz bérish salahiyitige ige amérika puqraliri özliri xalighan prézidént namzatlirigha bélet tashlidi.

Démokratlardin kélip chiqqan barak obama bilen jumhuriyetchilerdin kélip chiqqan mit romnéy we her qaysi shtatlarning dölet mejlisning awam palata we kéngesh palatagha saylinidighan namzatliri saylam bélitidin orun alghan.

Inkaslardin melum bolushiche, bu amérikining yéqinqi tarixidiki eng yuqiri riqabetlik prézidént saylimi bolup hésablinidiken. Prézidént obama özimu chikago shehiride saylamgha qatniship bélet tashlighan. Romnéy bolsa masachustés shtatida bélet tashlighan.

6-Noyabir künidiki pütün memliket miqyasidiki prézidént saylimi etigende bashlan'ghan bolup, sherqiy qirghaqtiki wirjiniye qatarliq jaylarda etigen sa'et 6 de bashlan'ghan.

Bu qétimqi prézidént saylimigha xéli köp sanda Uyghur amérika puqralirimu qatnashqan bolup, bu saylam amérika puqraliqqa ötken Uyghurlarning sanining xéli körünerlik derijide ashqan peytige toghra kelgenliki üchün wirjiniye, kaliforniye we nyu-york hem bashqa jaylardiki puqra Uyghurlar mezkur erkin saylamgha qatniship, özliri xalighan namzatqa bélet tashlidi.

Saylamda kimning utup chiqqanliqi bügün axsham melum bolidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.