Amérikida mu'awin prézidéntliq bes-munazirisi élip bérildi

Bu mu'awin prézidént namzatlirining pütkül saylam jeryanidiki birdin-bir yüz turane bes munazirisi. Pütkül munazire intayin keskin élip bérildi. Terepler aldi bilen dölet bixeterliki, iqtisadiy siyaset, baj we salametlik sughurtisi qatarliq mesililerni keskin munazire qildi. Munazire jeryanida mu'awin prézidént baydin, pa'ul raynning sözlirini bir nechche qétim üzüwetti.

Démokratlar partiyisini qollighuchilar, jow baydinning bu qétimqi munaziride küchlük pozitsiye ipadilep, jumhuriyetchiler namzatlirining heywisini sundurushini ümid qilatti. Ötken heptidiki prézidént namzatlirining bes munaziriside mit rumniy küchlük pozitsiye ipadilep, obamani passip ehwalgha chüshürüp qoyghan idi.

Prézidént obama charshenbe küni özining ötken heptidiki munaziride mit romniygha “Bek edeplik” mu'amile qilghanliqi, lékin romniyning rast gep qilmighanliqini ilgiri sürüp, özining munaziridiki ipadisini aqlighan.

Jow baydin bilen pa'ul rayn yene, liwiyidiki amérika elchixanisining bixeterliki, iran qatarliq mesililerni munazire qildi. Pa'ul rayn, obama hökümiti amérika elchixanilirining bixeterlikige sel qarighanliqi, iran mesiliside keskin bolmighanliqini tenqid qilghan. Jow baydin obama hökümitining siyasitini aqlap, raynning bu mesililerde “Chong gep qiliwatqanliqi” ni ilgiri sürgen.