Самийүзи йезисида мәсчиткә киргән икки оқуғучи җазаланған

Хитай компартийисиниң ғулҗа наһийә самийүзи йезилиқ комитети бултур 7-айниң 27 күни, йезида омумйүзлүк һалда мәсчитләрни тәкшүргән, тәкшүрүш давамида, йезиниң 13-кәнтидики мәсчиттә икки нәпәр оқуғучиниң намаз оқуватқанлиқи байқалған.
Мухбиримиз шөһрәт һошур
2013.01.14

Йезилиқ партком 8-айниң 8-күни мәхсус һөҗҗәт чүшүрүп, мәзкур икки оқуғучиниң намини тилға елип тәнқид қилған; партком йәнә мәзкур мәсчитниң имами, мәсчит һәйитиниң гуруппа башлиқи, мәсчиткә мәсул йеза кадири вә бирликсәп хадими болуп, җәмий 4 кишигә айрим-айрим аһалда 200 сомдин 400 сомға қәдәр җәриманә қойған. Йезилиқ парткомниң намаз оқуған икки оқуғучини җазалиғанлиқи һәққидики мәзкур һөҗҗити йеқинда йезилиқ парткомниң тор бетидә елан қилинған.

Уйғурбиз тор бетиниң бу һөҗҗәткә асасән тәйярлиған бу һәқтики хәвиридә, хитай даирилириниң ғулҗа тәвәсидә йеқинқи йиллардин бери сақал қойған әр вә йүзини ориған аялларни җазалаштәк иптидаий вә зорлуқ тәдбирлирини йолға қоюп келиватқанлиқи әскәртилгән.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.