“HP” shirkiti xitay zawutliridiki bala ishchilarni ishlitish qilmishigha zerbe béridighanliqini bildürdi

Melum bolushiche, xitaydiki zapchas teminligüchi zawutlarda bala ishchi yaki oqughuchilarni ishlitip, chiqim tijeshke urunidighan ehwallar sadir bolghan. Bu xitay zawutliri ishchilarning xizmet muhiti we ayliqini yaxshilashning üstige ularni az pulgha jiq ishlitip, payda tapmaqchi bolushqan.

“HP” shirkitining bildürüshiche, nöwette mezkur shirket xitay zawutlirida sadir boluwatqan yuqiriqi qilmishlargha qarshi tedbir qollinish üchün bir belgilime tüzüp chiqqan.

Belgilimide, waqitliq ishleydighan oqughuchi ishchilarni qisqartip, toluq ishleydighan melikilik ishchilarni köpeytish qatarliqlar körsitilgen.

Belgilimide yene, eger oqughuchilarni ishqa élishqa toghra kelse, oqughan kespi zawuttiki ishqa mas kélidighanlarni élish, ulargha bérilidighan teminat we xizmet muhitini yaxshilash telep qilghan.

Ilgiri xitay höddigerliri mehsulat tennerxini töwenlitish üchün Uyghur élidin Uyghur déhqan yashlirini köplep yötkep kelgen.

Ularning arisida qoramigha toshmighanlarningmu barliqi hemde köpinchisining qiz ishchi bolushi Uyghurlarni ghezeplendürgen idi.