Qeshqer pédagogika instituti qurulghanliqining 50 yilliq xatire murasimida muqimliq tekitlendi
2012.10.18
Bu institut 1962-yili qurulghan, 1978-yili hazirqi toluq kurs institutigha özgertilgen bolup, hazirghiche 60 mingdin artuq oqughuchi bu institutlarda yétiship chiqip ma'arip sépi we bashqa sahelerde xizmet qilmaqta.
Xitay hökümiti Uyghur medeniyitining böshüki qeshqerde qurulghan bu institutni dawamliq türde diqqet bilen teqib qilip, türlük teshwiqat-terbiye siyasetlirini qattiq ijra qilip kelgen. Uyghur rayon bash sékrétari jang chünshyen mektepning 50 yilliq toyigha biwasite qatniship qilghan sözidimu oqughuchilargha idiye terbiye bérishni untup qalmighan. U barliq oqutquchi-oqughuchilarni toghra siyasiy yönilishte ching turup, döletning birliki, milletler ittipaqliqi we jem'iyet muqimliqini qoghdashqa chaqirghan.
Da'iriler yash ghunchilarni yétishtüridighan oqutquchilarni milliy bölgünchilikke qarshi siyasiy heriketlirining aldinqi sépige chiqirip qoyuwatqan bolup, bu xil ehwal qosh til ma'aripi yüzidin éghir bésim astida qalghan Uyghur oqutquchiliri üstidiki bésimni hessilep ashurghan. Téxi yéqinda bir neper oqutquchi Uyghur biz torigha ochuq xet yollap, xitayning muqimliq xizmiti dawamida oqutquchilarni wasite qiliwatqanliqigha naraziliq bildürgen we “Biz muqimliqning chaparmenliri emes” dégen idi.
Köp körülgen xewerler
RFA
- Ürümchidiki meshhur bina—“Rabiye qadir soda sariyi” ning chéqiwétilgenliki delillendi
- Kanada hökümitining on ming Uyghurni orunlashturushining tunji qedimi muweppeqiyetlik bésildi
- “Uyghur sen'et körgezmisi” ge yandashqan Uyghur qirghinchiliqi muhakime yighini bashlandi
- Rishat abbas amérika dölet mejliside Uyghur tili, medeniyiti we xatirisini qoghdashqa téximu köp iqtisad ajritishqa chaqirdi
- Nuri türkel: “Amérikaning anamni ekélishini Uyghurlargha körsitiwatqan ghemxorluqining ipadisi, dep qaraymen”