Shi jinping ghayib bolghili 12 kün boldi, söz-chöchekler ulghaydi

Nöwette shi jinpingning aqiwiti heqqidiki xewerler xelq'ara metbu'atlardiki eng qiziq témilarning biri bolup qaldi.

Tünügün, xitay xelq géziti bir xewiride shi jinpingning ismini tunji qétim tilgha aldi. Xewerde peqet “Re'is xu jintaw we mu'awin re'is shi jinpinglar péshqedem kommunist partiye ezasi, général mu rongning ölümige qayghurdi we a'ile-tawabi'atlirigha teziyisini ipade qildi” déyilgen bolsimu, biraq shi jinpingning biwasite sözi körsitilmigen.

Shi jinping metbu'atlardin ghayib bolghandin béri, uning top oynap bélini qayriwalghanliqi, yürek opératsiyisi bolghanliqi we hetta qestke uchrap ölgenlikige oxshash söz-chöchekler tarqaldi. Emma birleshme agéntliqining éytishiche, xongkongdiki kishilik hoquq we démokratiye uchur merkizi bügün özlirining shi jinpingning jigiride ösme peyda bolghanliqi bayqilip, 2-séntebir küni derhal opératsiye qilin'ghanliqi, uning hazir 301-herbiy doxturxanida dawaliniwatqanliqi hem kéler heptidin bashlap, ékranda peyda bolidighanliqi heqqide uchur igiligenlikini élan qilghan. Emma muxbirlar 301-herbiy doxturxanigha téléfon qilghanda, doxturxana da'iriliri bu ishtin xewirimiz yoq, dégen.