Pasport ishleshte Uyghurlargha qaritilghan cheklimining yenimu kücheytilgenliki bildürülmekte

Emma oqughuchilargha néme üchün bu döletlerge oqushqa iltimas qilghuchilarning pasport ishlitishige cheklime qoyulghanliqi heqqide héchqandaq chüshendürüsh bérilmigen.

Radi'omiz muxbirigha inkas qilghan oqughuchining bildürüshiche, gerche ürümchi sheherlik saqchi idarisi bu oqughuchilarning pasportining néme üchün kéchiktürülgenliki heqqide ulargha éniq chüshendürüsh bermigen bolsimu, emma ürümchidiki chet'elge oqughuchi chiqirish ishini béjirishni hödde qilghan shirket xadimliri oqughuchilargha se'udi erebistan, türkiye, gérmaniye qatarliq döletlerge pasport ishlitishning teslikini bildürüp, Uyghur oqughuchilargha eng yaxshisi bashqa döletlerge oqushqa chiqishni iltimas qilsa, pasport béjirishning birqeder asan bolidighanliqini bildürgen.

Yéqindin buyan Uyghur oqughuchilarning pasport béjirishi türlük cheklimilerge uchrawatqanliqi heqqidiki uchurlar barghanche köpeymekte. Ötken ayda xitaydiki ammiwi tor béketliride we Uyghurbiz torining xelq'ara tor békitide xitay ölkiliride oquwatqan atikem qatarliq Uyghur oqughuchilarning pasport béjirishte uchrighan cheklimiliri heqqidiki xewer élan qilin'ghandin kéyin, erkin asiya radi'osi qatarliq chet'el me'atbu'atliri Uyghurlarning pasport ishlitishi tes boluwatqanliqi heqqide igiligen bir qatar uchurlarni bergen idi.