Shangxey kochiliridiki sergerdan Uyghur yigiti we xitay zawutlirigha yötkelgen Uyghurlar

Muxbirimiz méhriban
2022-05-18
Share
Shangxey kochiliridiki sergerdan Uyghur yigiti we xitay zawutlirigha yötkelgen Uyghurlar Korona wirusi yuqumi seweblik qattiq qamal qilin'ghan shangxeyde sergerdan bolup yürgen bir Uyghur yigiti. 2022-Yili may.
Social Media

Yéqinda ashkarilan'ghan bir sin filimide korona wirosi yuqumi seweblik qattiq qamal qilin'ghan shangxeyde sergerdan bolup yürgen bir Uyghur yigiti heqqidiki körünüshler ashkarilinip, diqqet qozghidi. Filimdiki diyaloglardin bu yigitning shangxeyge ishlemchilikke kelgenliki, esli yurtining qeshqerning qaghiliq nahiyesi ikenliki melum bolghan.

Sin filimde bu Uyghur yigitning kochida sergerdan bolup yürginige diqqet qilghan bir xitay uninggha yémeklik bergen. Yigit xitaygha özining qeshqer wilayitining qaghiliq nahiyesidin shangxeyge ishlemchilikke kelgenlikinini éytqan.

Amérikadiki lagér shahitliridin zumret dawut xanim, Uyghurlar toghriliq xitayda tarqalghan sin filimlirini xitay tor menbeliridin élip féysbuk qatarliq ijtima'iy taratqulargha yollap kelmekte.

Zumret xanim filimdiki bu Uyghur yigitining bayanliridin uning xitay da'iriliri teripidin “Yötkep ishqa orunlashturush” namida xitay ölke-sheherlirige mejburiy yötkelgen Uyghur yashlirining biri ikenlikini jezimleshtürüsh mumkinlikini bildürdi.

Zumret xanim yene xitayning tik-tok munbiride bashqimu sin körünüshlirining barliqini, shangxeydiki qamal mezgilide ach qalghan Uyghurlar toghriliq neq meydandin sin körünüshliri tarqatqanliqini tilgha aldi.

Dunya Uyghur qurultiyi ijra'iye komitétining mu'awin re'isi ilshat hesen ependining bildürüshiche, shangxey kochilirida bayqalghan bu Uyghur yigiti, xitay hökümiti yillardin buyan dawam qiliwatqan atalmish “Yötkep ishqa orunlashturush” namida xitay ölkilirige mejburiy yötkep kétilgen Uyghur yashlirining biri iken. Bu sin filimi Uyghurlarning xitay ölkiliride uchrawatqan échinishliq qismetlirining emeliy körünüshi iken.

Ilshat hesen ependining bildürüshiche, nöwette xitayda dawamlishiwatqan korona wirusi yuqumi sewebidin yürgüzüliwatqan qamalda, Uyghurlarning weziyitini xitay puqraliri uchrawatqan teqiplerdin nechche hesse éghir déyishke bolidiken.

Ilshat hesen ependining tekitlishiche, gerche nöwette Uyghurlar uchrawatqan “Irqiy qirghinchiliq” we “Mejburiy emgek” qatarliq zulumlar, gherb ellirining diqqitige érishken bolsimu, emma xitayda yürgüzüliwatqan “Wirus yuqumigha qarshi qamal” da Uyghurlarning zadi qandaq bir weziyette ikenlikini ashkarilap körsitidighan uchurlar yenila intayin az we yétersiz iken.

U bu ehwalning xelq'aradiki kishilik hoquq teshkilatliri we gherp démokratik dölet hökümetlirining jiddi diqqitini qozghishi kéreklikini bildürdi.

Ilshat hesen ependi yene nöwette xitay hökümiti herqaysi sheherlerde yolgha qoyghan “Yuqum qamali” we uning meqsiti heqqide toxtaldi. Uning tekitlishiche, puqralarni bu xil mejburiy qamal qilishining arqisigha xitay kompartiyesining özining hökümranliq ornini saqlap gherizi yoshurun'ghan iken.

Ziyaritimiz axirida ilshat hesen ependi yene xitayda korona wirusi yuqumini bahane qilip yürgüzüliwatqan qamalda, puqralar mejburiy tutqun qilinish, ölüwélish, hetta achliqtin ölüshtek paji'elerge yoluqiwatqan bolsimu, emma xitay puqraliriki qarshiliq keypiyatining yenila töwen ikenlikini bildürdi.

Uning bildürüshiche, buning sewebi gerche köp xil amillargha baghliq bolsimu, emma xitay medeniyitide tarixitin buyan dawamliship kéliwatqan éghir derijidiki qulchiliq idiyesi xitay puqralirining rohiyitide hakimiyetke qarshi chiqish iradisini suslashturghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet