شائىر تاھىر ھامۇت ئىزگىل: «شېئىرلىرىمدا خەلقىمنىڭ بېشىغا كەلگەن كۈلپەتلەر ئەكس ئېتىدۇ»
2024.06.06
«ئوسلو ئەركىنلىك مۇنبىرى» دە «كىشىلىك ھوقۇق فوندى» تەرىپىدىن تارقىتىلىدىغان «ۋاسلاۋ خاۋېل خەلقئارا ئىجادىي ئۆكتىچىلىك مۇكاپاتى» غا ئېرىشكەن تاھىر ھامۇت ئىزگىل ئەپەندى تونۇشتۇرۇلۇۋاتقان كۆرۈنۈش. 2024-يىلى 4-ئىيۇن، ئوسلو.
Facebook/Tahir Hamut Izgil
4-ئىيۇن كۈنى، نورۋېگىيەنىڭ پايتەختى ئوسلودا ئۆتكۈزۈلگەن 2024-يىللىق «ئوسلو ئەركىنلىك مۇنبىرى» (OFF) دە ئۇيغۇر ئەدىب ۋە شائىر تاھىر ھامۇت ئىزگىل ئەپەندى «كىشىلىك ھوقۇق فوندى» تەرىپىدىن تارقىتىلىدىغان «ۋاسلاۋ خاۋېل خەلقئارا ئىجادىي ئۆكتىچىلىك مۇكاپاتى» (Václav Havel International Prize for Creative Dissent) نى تور ئارقىلىق تاپشۇرۇۋالغان.
مەزكۇر مۇكاپات، كىشىلىك ھوقۇق فوندىنىڭ قۇرغۇچىسى تسور خالۋورسېن (Thor Halvorssen) ئېيتقاندەك، جاسارەت ۋە ئىجادچانلىق ئارقىلىق زوراۋانلىقلارنى ئاشكارىلاپ بەرگەن ئۆكتىچىلەرگە بېرىلىدىغان مۇكاپات ئىدى.
شائىر تاھىر ھامۇت ئىزگىل ئەپەندىنىڭ رادىيومىزغا بىلدۈرۈشىچە، ئۇنىڭ بۇ مۇكاپاتقا ئېرىشىشىگە «كېچىدە تۇتقۇن قىلىنىشنى كۈتۈش» ناملىق ئەسلىمە كىتابى ئاساسلىق رول ئوينىغان. «كىشىلىك ھوقۇق فوندى» بۇ كىتابقا «ئۇيغۇرلارغا قارىتىلىۋاتقان ئىرقىي قىرغىنچىلىقنى دۇنياغا ئاشكارىلاشتا رول ئوينىغان ئاز ساندىكى گۇۋاھلىقلارنىڭ بىرى» دەپ باھا بەرگەن.
ئۇ مۇكاپاتنى تاپشۇرۇۋېلىش ئۈچۈن نەق مەيدانغا بارالمىغان بولسىمۇ، ئۆزىنىڭ «جاۋاب» ناملىق شېئىرىنى «ئوسلو ئەركىنلىك مۇنبىرى» نىڭ يىغىن زالىدىكى چوڭ ئېكراندا دېكلاماتسىيە قىلىش ئارقىلىق ئۆزىنىڭ يۈرەك سۆزلىرىنى ئىپادىلىگەن.
ئەي بىزگە گۈزەل بىر زاۋالنى نىيەت قىلغۇچى،
جاھىل كۆچەتلىرىمىزنىڭ زەر بىخلىرىدىن قورق.
مەزكۇر سۆھبەتنىڭ تەپسىلاتىنى يۇقىرىقى ئاۋاز ئۇلىنىشىدىن ئاڭلىغايسىز.
كۆپ كۆرۈلگەن خەۋەرلەر
RFA
- ئەنگلىيەلىك يۇتۇبېر كۆرگەن تاقاقلىق مەسچىتلەر ۋە روزا تۇتۇش چەكلەنگەن ئۇيغۇرلار ۋەزىيىتى دىققەت قوزغىدى
- مۇتەخەسسىسلەر:«خىتايغا خۇشخەۋەر بولغان ئىشلار ئۇيغۇرلار ئۈچۈن شۇم خەۋەردۇر»
- خىتايغا قايتۇرۇلغان ئۇيغۇرلارنى «يوقلاش» قا ماڭغان تايلاند ۋەكىللەر ئۆمىكى ئاگاھلاندۇرۇلدى
- «شىنجاڭ ۋەكىللىرى» «دۆلەت ئورتاق تىل-يېزىقى قانۇنى» غا ئۆزگەرتىش كىرگۈزمەكچى
- كۆزەتكۈچىلەر: «خىتاينىڭ ئۇيغۇر ئېلىدىكى ئىسلاھات پىلانى ئۇيغۇرلارنى ئەمەس، بەلكى خىتاينىڭ ئۆزىنى باي قىلىدۇ»
كۆپ كۆرۈلگەن خەۋەرلەر
تەپسىلىي خەۋەر
- خۇ پىڭ: « ‹غەربىي رايون پىلانى› كۆچمەنلەرنى كۆپلەپ يۆتكەپ، ئۇيغۇرلارنى ئاز سانلىققا چۈشۈرۈشتۇر»
- ئامېرىكا ھۆكۈمىتى ۋە ياۋروپا پارلامېنتىنىڭ ھەرىكىتى تايلاندنىڭ قېلىپ قالغان ئۇيغۇرلارنى قايتۇرۇشىنى توختىتىپ قالالامدۇ؟
- ئۇيغۇر قۇللۇق ئەمگىكى مەسىلىسى ئەنگلىيە ھۆكۈمىتى بىلەن پارلامېنت ئارىسىدىكى تالاش-تارتىشقا سەۋەب بولغان
- ئاقسۇدا روزىدارلارنىڭ روزىسىنى بۇزۇش ياكى روزا تۇتۇشقا ئىمكان قويماسلىق ئۈچۈن ئاھالىلەر مەجبۇرىي ئەمگەككە سېلىنغان
- ئامېرىكا خىتاي تەھدىتىگە قارشى دىپلوماتىك سىياسەت قوللانماقتا