Ayal yéza kadiri: yürüsh-turushqa qoyulghan cheklime bultur 7-aydin 10-ayghiche eng ewj aldi
2013.01.02
Uyghur élidiki bir doxturxanining aldigha ésip qoyulghan xitay tüzümi. Romal artqan we 45 yashtin töwen saqal qoyghan erlerning doxturxanigha kirishi cheklen'gen uqturush.
Bolupmu Uyghurlar zich olturaqlashqan Uyghur élining jenubidiki yéza kentlerde, hetta diniy yosunda kiyin'gen Uyghur ayallirining romallirini kochilardila échiwétidighan, erlerning bolsa saqal-burutini chüshürüwétishke mejburlaydighan, ularni jerimane we bashqa usullar arqiliq jazalaydighan qanunsiz qilmishlar ewj alghan idi.
Xitay da'irilirining Uyghurlargha qaratqan bu xil kemsitish xaraktérlik, basturush heriketlirining nöwette qandaq dawam qiliwatqanliqini igilesh üchün qeshqerning melum yéziliq ayallar komitétigha téléfon qilghinimizda, bir ayal bu xil weziyetning ötken yili 10-aydin kéyin bir az suslashqanliqi hemde Uyghurlarning örp-adetlirige qoyulghan heddidin ashqan cheklimilerning élip kelgen eks tesirlirini bayan qildi.
Yuqiridiki awaz ulinishidin, ismini ashkarilashni xalimighan bu Uyghur ayal kadir bilen muxbirimizning söhbitini anglighaysiler.