Xelq sen'etkari ekrem mömin: naxsha-muzikilirim arqiliq millitim üchün xizmet qilimen

Melumki, chet'ellerdiki, Uyghurlarning zor köpchiliki ottura asiyadiki qazaqistan, qirghizistan we özbékistan jumhuriyetlirige tarqalghan. Qirghizistan hökümitining melumatigha asaslan'ghanda bu jumhuriyette 60 ming etrapida Uyghur ahalisi yashaydu. Qirghizistan Uyghurlirining asasliq qismi bishkek shehiri we uning etrapigha jaylashqan bolup, mezkur jumhuriyettiki Uyghurlar öz milliy en'eniliri we naxsha-muzikilirini öz ichige alghan milliy sen'itini bir qeder yaxshi saqlighan. Yéqinqi yillardin buyan qirghizistan Uyghurliri arisida öz milliy kimliki, milliy medeniyiti we sen'itini qoghdash hem tereqqiy qildurush idiyiliri kücheygen bolup, milliy naxsha-muzika sen'iti buning gewdilik ipadiliridin biridur.

Bishkek shehiridiki Uyghur milliy naxsha-muzika ansambili “Intizar” ning ezasi, qirghizistan'gha tonulghan xelq sen'etkari ekrem muminofning éytishiche, bu dölettiki Uyghur jama'iti öz sen'iti we medeniyitini rawajlandurush yolida tirishchanliq körsetmekte.

10-Ayda amérikigha kélip, paytext washin'gton shehiri etrapidiki Uyghur jama'itining qizghin kütüwélishigha ériship, Uyghur jama'itini özining yéqimliq we jushqun naxsha-muzikiliri, muqamliri we letipe-chaqchaqliri bilen huzurlandurup, yurt-weten séghinish tuyghuliridin changqighan qelblerge melhem bolghan ekrem ependi bügün öz muxbirimiz ümidwarning ziyaritini qobul qildi.

Yuqiridiki awaz ulinishidin muxbirimiz bilen ekrem muminnofning söhbitini anglighaysiler.