Wankuwérda xitay hökümiti kishilik hoquqqa hörmet qilishqa chaqirildi

Wankuwérdiki bir qisim Uyghurlar tibet teshkilatliri bilen birliship, bügün yeni 12-ayning 10 küni insan heqliri künide, xitay konsuli aldida namayish ötküzdi.
Ixtiyariy muxbirimiz ruqiye
2012.12.10
Share on WhatsApp
Share on WhatsApp
wankuwer-namayish-305.jpg Wankuwérdiki bir qisim Uyghurlar insan heqliri küni, tibet teshkilatliri bilen birliship xitay konsuli aldida ötküzgen namayishida kötürgen lozunka. 2012-Yili 10-dékabir, kanada.
RFA/Ruqiye

19480-Yili birleshken döletler teshkilati 12-ayning 10-künini insan heqlirini tebriklesh küni qilip belgiligen bolup, her yili 12-ayning 10-küni dunyadiki her qaysi döletlerde insan héslirini tebriklesh pa'aliyetliri, insan heqliri siyasiy yighilishliri, depsende boluwatqan insan heqlirini dunyagha anglitish körgezmiliri, we zulumgha uchrawatqan insanlarning insan heqliri telep qilinip namayishlar ötküzülidu.

Bügün wankuwér shehiridiki xitay konsuli aldida ötküzüwatqan bu namayish wankuwérda yashawatqan Uyghur siyasiy pa'aliyetchisi ömerjan böre bashchiliqidiki Uyghurlar we tibet teshkilatliri teripidin orunlashturulghan bolup, namayish etigen sa'et 10 da bashlinip 2 giche dawam qildi. Namayishqa tibetlikler we Uyghurlar bolup 60 tin artuq kishi qatnashti. Namayishchilar “Xitay insanlargha zulum qilishni toxtatsun!”, “Uyghurlarni qirghin qilishni toxtatsun!”, “Tibetlerni qirghin qilishni toxtatsun!” dégendek sho'arlarni towlap, xitay hökümitining insan heqlirige hörmet qilishni telep qildi.

Ömerjan, bügünki bu namayishning ehmiyiti üstide toxtilip, namayishtin yénip, kocha aylinip birleshken döletler teshkilati insan heqliri qanuni we bu qanun'gha xilap halda xitaylarning Uyghurlarni qandaq qirghin qiliwatqanliqigha a'it teshwiq wereqe taqilidighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.