Мәсчит һәрәмдә 34 - нөвәтлик хәлқаралиқ қуран мусабиқиси өткүзүлди
2012.12.06

Мәзкур мусабиқигә дуняниң һәр қайси дөләтлиридин оқуғучилар, һәтта чоңларму келип иштирак қилиду. Бу йилқи мусабиқә 34 - нөвәтлик мусабиқә болуп, униңға асия, африқа вә явропа қитәлиридики дөләтләрдин болуп җәми 53 дөләттин 164 қари иштирак қилған.
Сәуди әрәбистани һөкүмити мусабиқигә қатнашқучиларниң сәуди әрәбистаниға келип - кетиш, йетип - қопуш һәм йимәк - ичмәк чиқимлириниң һәммисини өз үстигә алғанниң сиртида, мусабиқидә утуп чиққанларни мукапатлаш үчүн 2 милйон850 миң риял(760 миң доллар) аҗратқан.
Мусабиқә 2012 - йили2 - дикабир күни башланған болуп, бир һәптә давам қилидикән. Мусабиқини уюштурғанлар сәуди әрәбистан дин тәшвиқат вә дәвәт министирлиқи болуп, мусабиқигә қатнашқучиларни дуняниң һәр қайси җайлиридин тәклип қилинған катта өлималар билән қарийлар баһалайдикән. Мусабиқә асасән қуран оқуш, униң мәнисини ейтип бериш билән болидикән.
Мәсчит һәрәмдики қуран мусабиқисидин бир көрүнүш2012 - йили4 - дикабир.
Мәсчит һәрәмдә давам қиливатқан бу мусабиқиниң тәпсилати сәуди әрәбистанида чиқидиған барлиқ гезит вә радио - телевизийә қаналлиридин кәң тарқилип турмақта.
Баһалаш комитетиниң башлиқиниң сөзи
Нөвәттики 34 - нөвәтлик қуран кәрим мусабиқисини баһалаш комитетиниң башлиқи доктор ибраһим ибни сәд дусири сәуди әрәбистанидики қуран кәрим радиосиға бәргән баянатида мундақ деди:“қуран кәрим мусабиқиси әң шәрәплик мусабиқиләрниң биридур. Бу мусабиқини сәуди әрәбистаниниң қурғучиси мәрһум падишаһ абдуләзиз али сәуд тунҗи қетим орунлаштурған вә йолға қойған болуп, йиллардин бири бу иш давам қилмақта, униң пәрзәнтлири атисиниң бу яхши ишини һәр йили елип бармақта. Өткән йили бу мусабиқигә 783 киши иштирак қилған иди. Бу йилқи сан униңдин аз болсиму, мусабиқә наһайити рәтлик елип берилмақта. Мусабиқини баһалиғучилар биринчи күни 41 қарини тиңшиған, иккинчи күни60 қарини тиңшиди, үчинчи күнидә62 қарини тиңшиди. Һәммини тиңшап болғандин кейин мусабиқә нәтиҗиси елан қилиниду вә утуп чиққанлар мукапатлиниду.”