ئۇيغۇرلارنىڭ كۈرەش قىسسەسى 6-قىسىم: ئۈمىد ئۇرۇقى چېچىش

ئۇيغۇر دىيارىدىكى قاتتىق باستۇرۇشلاردىن قېچىپ چىققان جۈرئەتلىك ئۇيغۇر ئايال-مۇنەۋۋەر ھازىر تۈركىيەدىكى نۇزۇگۇم فوندىغا رىياسەتچىلىك قىلماقتا. ئۇ ماڭدۇرۇۋاتقان بۇ مەدەنىيەت ئۆيى يالغۇز ئۇيغۇر تىلى ۋە مەدەنىيىتىگە ھامىيلىق قىلىپلا قالماستىن، بەلكى ئىلاھىي ئىلھامنىڭ تۈرتكىسىدە ئۇيغۇر مەدەنىيىتى ساھەسىدىكى سودا-سېتىق ئىشلىرىنىمۇ يۈرۈشتۈرۈپ ماڭماقتا. تەۋەككۈلانە تىرىشچانلىقلاردىن قولغا كەلگەن پايدا ۋە كىرىم، بىر قىسىم قول ھۈنەر ماھارىتىگە ئىگە. ئۇيغۇر ئاياللىرىنى ئىش پۇرسىتىگە ئېرىشتۈرۈپ، ئۇلارنى ئىقتىسادىي مۇستەقىللىققا ئىگە قىلماقتا. نۇزۇگۇم فوندى 2013-يىلى قۇرۇلغان بولۇپ، تۈركىيەدىكى ئۇيغۇر تۇل ئاياللار، قىزلار ۋە يېتىم بالىلارنى تەربىيەلەش ھەمدە ئۇلارغا ئىقتىسادىي جەھەتتىن يار-يۆلەكتە بولۇشنى مەقسەت قىلغان. نۇزۇگۇم فوندىنىڭ يېقىندا ئىشقا ئاشۇرغان يەنە بىر مۇھىم تىرىشچانلىقلىرىدىن بىرى قىرائەتخانا ئېچىش بولۇپ، ئۇنىڭدا ئۇيغۇر دىيارىدا چەكلەنگەن ياكى يىغىۋېلىنغان كىتاب-ماتېرىياللار ساقلانماقتا. مۇنەۋۋەر ئۆزئۇيغۇرنىڭ ھېكايىسى قەيسەرلىك، مىللىي مەدەنىيەتكە بولغان غۇرۇر ۋە ئىپتىخار، شۇنداقلا مۇھاجىرەتتىكى ئۇيغۇر توپلۇقلىرىدا قىز-ئاياللارنىڭ قەددىنى كۆتۈرۈشتىن ئىبارەت ئارزۇلار بىلەن تولغان.