ئۇيغۇر قىرغىنچىلىقى ئامېرىكادىكى ھەر ساھە كىشىلىرىگە تونۇشتۇرۇلماقتا

مۇخبىرىمىز ئەزىز
2021-11-05
Share
ئۇيغۇر قىرغىنچىلىقى ئامېرىكادىكى ھەر ساھە كىشىلىرىگە تونۇشتۇرۇلماقتا رايىس (Rice) ئۇنىۋېرسىتېتىدا ئۆتكۈزۈلگەن «خىتايدىكى ئۇيغۇر قىرغىنچىلىقى» تېمىسىدىكى دوكلات بېرىش يىغىنىدىن كېيىن خاتىرە سۈرەت. 2021-يىلى 4-نويابىر، تېكساس، ئامېرىكا.
Photo: RFA

ئۆتكەن بىرنەچچە يىلدىن بۇيان ئۇيغۇر دىيارىدىكى قىرغىنچىلىققا دائىر تۈرلۈك ئۇچۇرلار غەرب دۇنياسىدىكى ھەر ساھە كىشىلىرىگە كۆپلەپ مەلۇم بولغاندىن كېيىن، خىتاي ھۆكۈمىتى خەلقئارادا دۇچ كېلىۋاتقان بېسىملارمۇ تەدرىجى ھالدا ئېشىپ بېرىشقا باشلىغان ئىدى.

ئىلىم ساھەسىنىڭ، بولۇپمۇ «ئىلىم-پەننىڭ قۇدرىتى ئەڭ تولۇق دەرىجىدە نامايەن بولغان دۆلەت» دەپ ئاتىلىۋاتقان ئامېرىكا تۇپرىقىدىكى ئالىي مەكتەپ ئوقۇغۇچىلىرىنىڭ بۇ مەسىلە ھەققىدىكى چۈشەنچىسىنى ئاشۇرۇشمۇ نۆۋەتتە بۇ جەھەتتىكى بىر مۇھىم خىزمەت، دەپ قارىلىۋاتقانلىقى مەلۇم.

رايىس (Rice) ئۇنىۋېرسىتېتىدا ئۆتكۈزۈلگەن «خىتايدىكى ئۇيغۇر قىرغىنچىلىقى» تېمىسىدىكى دوكلات بېرىش يىغىنىدىن كۆرۈنۈش. 2021-يىلى 4-نويابىر، تېكساس، ئامېرىكا.
رايىس (Rice) ئۇنىۋېرسىتېتىدا ئۆتكۈزۈلگەن «خىتايدىكى ئۇيغۇر قىرغىنچىلىقى» تېمىسىدىكى دوكلات بېرىش يىغىنىدىن كۆرۈنۈش. 2021-يىلى 4-نويابىر، تېكساس، ئامېرىكا.

4-نويابىر كۈنى ئامېرىكانىڭ تېكساس شىتاتىدىكى خۇسۇسىيلار ئىگىدارچىلىقىدىكى داڭلىق ئالىي مەكتەپلەرنىڭ بىرى بولغان رايىس (Rice) ئۇنىۋېرسىتېتىدا ئۆتكۈزۈلگەن «خىتايدىكى ئۇيغۇر قىرغىنچىلىقى» تېمىسىدىكى دوكلات بېرىش يىغىنىنى بۇ جەھەتتىكى بىر ئۈلگە، دېيىش مۇمكىن.

بۇ قېتىمقى يىغىننىڭ ئۇيۇشتۇرۇشقا يېقىندىن ھەمدەم بولغۇچىلارنىڭ بىرى رايس ئۇنىۋېرسىتېتىنىڭ پروفېسسورى كرايگ كونسداين بولۇپ، ئۇ بۇ يىغىننىڭ ئالدىدا مۇخبىرلارغا سۆز قىلىپ: «ئۇيغۇر قىرغىنچىلىقى نۆۋەتتە پۈتكۈل دۇنيا جامائىتىگە زور تەسىر كۆرسىتىۋاتقان ئىجتىمائىي ھادىسە ھېسابلىنىدۇ» دېگەن. بىز بۇ قېتىمقى يىغىن ھەققىدە تېخىمۇ تەپسىلىي مەلۇمات ئىگىلەش ئۈچۈن خيۇستون شەھرىدە ئۇيغۇر قىرغىنچىلىقى ھەققىدە ئىككى مەيدان لېكسىيە بەرگەن ئۇيغۇر پائالىيەتچى، ۋاشىنگتون شەھرىدىكى «ئۇيغۇر ھەركىتى» تەشكىلاتىنىڭ رەئىسى روشەن ئ‍ابباس بىلەن سۆھبەتلەشتۇق.

ئاۋاز ئۇلىنىشىدىن بۇ قېتىمقى سۆھبەتنىڭ تەپسىلىي ئەھۋالىنى ئاڭلايسىلەر.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت