Jenwediki b d t munbiride: “Uyghur teshkilatliri wekilliri Uyghur mejburiy emgikige da'ir herqandaq so'algha jawab bérishke teyyar! ”

Bérndin ixtiyariy muxbirimiz hebibulla izchi teyyarlidi
2023.11.29
duq-jenve-yighin-03

12-Qétimliq “Soda we kishilik hoquq munbiri” yighinigha qatnashqan muhajirettiki Uyghur teshkilat wekilliri we mutexessisler. 2023-Yili 28-noyabir, jenwe RFA/Hebibulla

duq-jenve-yighin-06

Dunya Uyghur qurultiyi ayallar komitétining mudiri zumret'ay erkin söz qilmaqta. 2023-Yili 28-noyabir, jenwe RFA/Hebibulla

duq-jenve-yighin-04

Dunya Uyghur qurultiyining re'isi dolqun eysa qatarliq muhajirettiki Uyghur teshkilat wekilliri kechlik söhbette. 2023-Yili 28-noyabir, jenwe RFA/Hebibulla

duq-jenve-yighin-02

Uyghur tetqiqat institutining diréktori abdulhakim idris, Uyghur herikiti teshkilatining diréktori roshen abbas we Uyghur herikiti teshkilatidin serkan tash bille chüshken xatire süret. 2023-Yili 28-noyabir, jenwe RFA/Hebibulla

duq-jenve-yighin-01

Amérika Uyghur birleshmisi re'isi elfidar éltebir, Uyghur herikiti teshkilatidin serkan tash we Uyghur kishilik hoquq qurulushidin pétir ependiler b d t yighinigha qatnashqan körünüsh. 2023-Yili 28-noyabir, jenwe RFA/Hebibulla

duq-jenve-yighin-07

Birleshken döletler teshkilatining 12-qétimliq “Soda we kishilik hoquq munbiri” yighinigha qatnashqan muhajirettiki Uyghur teshkilat wekilliri we mutexessisler. 2023-Yili 28-noyabir, jenwe RFA/Hebibulla

duq-jenve-yighin-08

Birleshken döletler teshkilatining 12-qétimliq “Soda we kishilik hoquq munbiri” yighinigha qatnashqan muhajirettiki Uyghur teshkilat wekilliri we mutexessisler. 2023-Yili 28-noyabir, jenwe RFA/Hebibulla

Birleshken döletler teshkilatining jenwediki bash shitabida échiliwatqan 12-qétimliq “Soda we kishilik hoquq munbiri” yighini dawam qilmaqta.

 Bu yighin'gha dunya Uyghur qurultiyi, amérika Uyghur birleshmisi, Uyghur kishilik hoquq qurulushi, Uyghur herikiti qatarliq muhajirettiki Uyghur teshkilatliri, shundaqla bir qisim pa'aliyetchiler qatnashti.

Yighinning ikkinchi küni chüshtin kéyin dunya Uyghur qurultiyi ayallar komitétining mudiri zumret'ay erkin xanim söz qildi. U sözide, xitayning sherqiy türkistandiki zulumi dawam qiliwatqan, Uyghur xelqi millet süpitide ziyankeshlik uchrawatqan bundaq bir peytte, xitay hökümitining Uyghurlargha qaratqan basturush siyasitini özgertishni saqlap turushqa bolmaydighanliqini, bundaq bir kütüshning bir milletning yoq bolushigha tamashibin süpitide qarap turghanliq bolidighanliqini alahide eskertti.

Zumret'ay erkin xanim mundaq dédi: “Melum bolghinidek, xitayning küntaxtadin tokluq mashinilarghiche, kiyim-kéchek we yémek-ichmek türidin éléktironluq mehsulatlarghiche bolghan 17 sahede Uyghur mejburiy emgikini qolliniwatqanliqini hemmimiz bilimiz, bular delil-pakitliri bilen ispatlandi. Shunga bu mejburiy emgekke chétilghan shirketler derhal qul emgiki zenjiridin waz kéchishi, chet el shirketliri sherqiy türkistandin derhal ayrilishi, shundaqla birleshken döletler teshkilati soda we kishilik hoquq komitétining chiqarghan bu heqtiki qararlirigha shertsiz boysunushi kérek. Bu yighin'gha qatnashqan Uyghur teshkilatlirining wekilliri bu heqtiki herqandaq munazire we so'allargha jawab bérishke teyyardur” .

Yighinning 2-küni küni kechte jenwediki xan jemeti méhmanxanisida “Soda dunyasida pilanliq kishilik hoquq dawalirining dölet organlirigha tesiri” dégen témida mexsus kechlik söhbet uyushturuldi. Bu söhbetke dunyaning her qaysi jayliridin kelgen diplomatlar we siyasiy pa'aliyetchiler ishtirak qildi. Bu jeryanda dolqun eysa bashchiliqidiki Uyghur teshkilatlirining wekilliri her qaysi döletlerdin kelgen diplomatlar we siyasetchiler bilen ayrim-ayrim sözliship, ulardin kéler qétimqi xitayning kishilik hoquq ehwalini tekshürüsh yighinida Uyghurlarni qollap awaz chiqirishini telep qildi.

Bu yighin'gha Uyghur kishilik hoquq qurulushidin pétér irwin ependimu qatnashqan bolup, u so'alimizgha yazma jawab ewetip mundaq dédi: “Bu yighin'gha qatnashqan Uyghur teshkilatliri wekilliri, xelq'ara emgek teshkilati ezaliri we hökümetler, b d t mes'ulliri bilen körüshüp, köp xil yollar bilen xitaygha bésim ishlitish arqiliq Uyghur mejburiy emgikini axirlashturush üchün tirishchanliq körsetti” .

29-Noyabir, yeni bügün chüshtin burunqi yighinni tügitip chiqqan Uyghur herikiti teshkilatining xadimi serkan tash ependimu ziyaritimizni qobul qilip, bügün chüshtin burunqi yighinda otturigha qoyulghan pikir-teklipler heqqide melumat berdi.

Bu qétimqi yighinda xitayning xongkong we Uyghur rayonidiki basturushliri, kishilik hoquq depsendichilikliri, kishilik hoquq pa'aliyetchilirini tutqun qilish we ulargha tehdit sélish qatarliq mesililermu otturigha qoyulghan.

Dunya Uyghur qurultiyi, amérika Uyghur birleshmisi, Uyghur kishilik hoquq qurulushi, merkizi amérikadiki Uyghur tetqiqat instituti we amérikadiki atlantés adwokatlar jem'iyiti kishilik hoquq ishliri bölümi, shundaqla kommunizm qurbanliri xatire sariyining tetqiqatchisi adré'an zénz ependilerning jenwediki pa'aliyiti yene bir nechche kün dawam qilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.