Уйғур яшлири әсма вә аминә билән сөһбәт: “уйғур давасидин тохтап қалмаймиз!”

Вашингтондин мухбиримиз әзиз вә җүмә тәйярлиди
2024.04.25
interview-with-esma-and-amine-1024 Әсма мәмтимин билән аминә турсун әркин асия радийосиниң зияритини қобул қиливатқан көрүнүш. 2024-Йили 18-апрел, ню-йорк
Әркин асия радийоси: әзиз

Хитай һөкүмити йиллардин буян уйғур диярида иҗра қилип келиватқан қирғинчилиқ маһийәттә уйғур җәмийитини “қап бәлдин оштуп ташлаш”тәк мәқситигә толуқ йәтти, дәп қариливатқан болуп, буниңда кишиләр уйғур тил-йезиқи, мәдәнийити, диний етиқад саһәси қатарлиқлар дуч кәлгән вәйран қилиш характерлик бузғунчилиқларни нәзәрдә тутуп кәлмәктә. Бу зулум вә бастурушлар бир яқтин уйғурларниң хитай һәққидики чүшәнчисини йеңилаш ролини ойниған болса, йәнә бир яқтин уйғурларниң уюшуш вә қаршилиқ көрситиш хаһишини техиму йүксәлдүрүп кәлмәктә. Болупму хитай һөкүмити ашкара оттуриға қойған “йилтизини кесип ташлаш, нәсәбини үзүп ташлаш” һәққидики шоарлар уйғур дияридики ассимилятсийәниң “җуңхуа ортақ кимлики” бәрпа қилиш намидики йеңи пәллисини яритиватқанда муһаҗирәт муһитидики бир қисим уйғур яшлири өзлириниң уйғур давасиниң избасарлиридин болуш ирадисини намаян қилип кәлмәктә. Германийәдә туғулуп чоң болған әсма мәмтимин вә аминә турсунни әнә шу хил яшлар җүмлисидин, дейиш мумкин.

2024-Йили январда улар ишлигән “биз уйғур” темисидики қисқа видийо “тик ток” вә “инстиграм” супилирида кәң тарқилип он милйон адәм қетимдин көпрәк көрүлгән. Уларниң бу һәрикити хитай һөкүмитиниң сахта учур тарқитиш қилмишиға қайтурулған әпчил җаваб тәриқисидә қизғин алқишланған иди.  Шуниңдин кейин улар “уйғур яшлар һәрикити” тәшкилатини қуруп, өзлириниң бу җәһәттики паалийәтлирини охшимиған шәкилләрдә давам қилип кәлмәктә. 18-Апрел күни әсма мәмтимин ню-йорк шәһиридә чақирилған “уйғур қирғинчилиқини бузуш” темисидики илмий муһакимә йиғинида алаһидә сөз қилип, иҗтимаий таратқулар арқилиқму уйғур давасини мәлум дәриҗидә қанат яйдурушқа болидиғанлиқини көрситип өтти.

Биз бу мунасивәт билән германийәдин бу қетимқи йиғинға қатнишиш үчүн кәлгән әсма мәмтимин вә аминә турсун билән сөһбәтләштуқ. юқириқи улиништин бу қетимқи сөһбәттин парчилар аңлиғайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.