Küytun shehiride yüz bergen qatnash weqeside 5 adem qaza qildi

4 ‏- Öktebir küni ettigen sa'et 7 etrapida, küytün shehirige tewe kent tash yolida, yoluchilar aptobusi bilen yük mashinisi bir - birige soqulup kétishi netijiside kélip chiqqan qatnash weqeside 5 adem qaza qilghan we 40 nechche adem oxshash bolmighan derijide yarilan'ghan.

Xitay xewer agéntliqining bu heqte bergen xewirige qarighanda, küytün shehirige qarashliq melum bir ahaliler kométiti teripidin uyushturulghan, paxta térishsh etritining ishchiliri, yoluchilar aptobosigha olturup, ishlepchiqirish qurulush armiyisi 131 ‏- polikigha qarap yolgha chiqqan bolup, wélsipitlik bir qizdin özini qachurghan yük mashinisi, yoluchilar aptobosigha qattiq urulghan. Netijide ikki kishi neq meydanda jan üzgen, 3 kishi doxturxanida qutquzush ünüm bermey hayatidin ayrilghan.

Xewerdin melum bolushiche, yoluchilar aptobosi 29 kishilik bolup, biraq aptobosqa olturghan adem sani 45 ke yetken.

Nöwette hadiside yarilan'ghanlar, ili oblastliq küytün doxturxanisida jiddiy qutquzush üstide iken.

Ishlepchiqirish qurulush armiyisining paxtisini özüsh üchün kétiwitip, yüz bergen mezkür qatnash weqeside ölgenlerning qaysi millet ikenliki heqqide éniq melumat bérilmidi.

Xitay, dunya boyiche qatnash weqesi eng köp yüz béridighan döletlerning biri hésablinidu.