Xitay Uyghur aptonom rayonidin qazaqistan'gha ötüdighan yéngi qatnash yoli achti

Uyghur aptonom rayonidin qazaqistanning taldiqorghan oblastigha ötüdighan yene bir qatnash yoli jüme küni resmi échildi. Buning bilen Uyghur aptonom rayonining qazaqistan bilen chégrilinidighan 1700 kilométirliq chégra liniyiside ikki terepni tutashturidighan qatnash yoli 22 ge yetken.

Xitay da'iriliri axirqi yillarda qazaqistan bilen bolghan munasiwitini texirsizlik bilen kéngeytmekte. Shinxu'a axbarat agéntliqining xewer qilishiche, Uyghur aptonom rayoni tashqi transport idarisining jang pemililik mu'awin bashliqi, bu qatnash yoli ikki terepning chégra we ichkiri rayonliridiki sheherlerni öz ara tutashturidighanliqini bildürgen.

Analizchilar bolsa xitayning qazaqistan we etraptiki döletler bilen qatnash alaqisini öz ichige alghan her xil munasiwetlirini kücheytishtiki sewebi, sherqiy türkistan musteqilchi küchlirining herikitini tosalghugha uchrutush, énirgiye yollirining bixeterliki we amérikining rayondiki tesirige qarshi küchler tengpungluqi qurushni meqsed qilghan, dep qarimaqta.

Taldiqorghan yolining échilishi bilen qazaqistan, qirghizistan we tajikistanlar bilen tutishidighan qatnash yoli 87 ge yetti. Nöwette bu yollarning 43 de yoluchilar, 44 de yük toshulmaqta. (Erkin)