Aqsuda bir bashlan'ghuch mektepning oqutush binasida weqe yüz bérip, bir oqughuchi öldi

Düshenbe küni Uyghur aptonom rayonining aqsu shehiridiki bir bashlan'ghuch mektepte oqutush binasi pelempiyining salasuni örülüp kétip, bir oqughuchi öldi, 64 oqughuchi yarilandi. Xewerlerge qarighan'ghanda weqe yüz bergende oqughuchilar siniptin mektep qorusigha etigenlik bayraq chiqirish murasimi ötküzüshke mangghan iken.

Weqe shinjang ishlepchiqirish qurulush bingtü'eni 1 - diwiziyisining aqsu shehiridiki 2 - ottura mektipige qarashliq shöbe bashlan'ghuch mektipide yüz bergen. Xitay metbu'atliri, weqening oqughuchilar pelempeyge kepliship qalghanliqtin yüz bergenlikini bildürmekte. Weqede hazirghiche bir oqughuchi ölgen, 64 yarilan'ghan bolup, yaridarlar aqsu wilayetlik 1 - xelq doxturxanisigha élip bérilghan.

Bu yil 8 - aylarda bingtü'endiki shangxeylik bezi xitaylar yurtigha qaytishni telep qilip, isyan chiqarghan idi. Xitay merkiziy hökümiti mu'awin bash ministir xu'ang jüyni Uyghur iligha ewetken. U, aqsu qatarliq jaylarni közdin köchürüp, bingtü'endiki xitaylarning ijtima'iy parawanliqi, xitay ballilirining oqutush we ma'arip ehwalini yaxshilash toghrisida wede bergen.

Xitay da'iriliri bingtü'enni "sherqiy türkistan küchlirige qarshi aldinqi sep qorghini, dep qarimaqta. Emma Uyghur teshkilatliri bingtü'enni " ismi - jismigha layiq mustemlikichilik orgini" dep eyiblep keldi. (Erkin)