Mirkamil we WTFkistan rok muzika etriti

Mirkamil turghun 1983-yili 2-ayning 22-küni ürümchide tughulghan. 2005-Yili firansiyege oqushqa chiqqan bolup, parizhdiki lé'onard dawinchi uniwérsitétida üch ölchemlik (3D) karton filimini asas qilghan reqemlik filim ishlesh kespi boyiche baklawurluq we magistirliq unwanini alghan.

Mirkamil turghun

Mirkamil oqush püttürgendin kéyin özi kichikidin yaxshi köridighan muzika bilen oqughan kespini birleshtürüp nurghun ijadiy muzikilarni ishligen we bezi kichik sehnilerde orunlighan. 2022-Yili noruzda “WTFkistan” rok muzika etriti nami bilen resmiy sehnige chiqqan.

Uning muzika etriti hazirghiche “Séghinish”, “Aptapsinish”, “Ach erwah” qatarliq 14 ijadi naxsha élan qilghan. Bu yil 5-iyul küni dangliq sha'ir ghojimuhemmed muhemmedning “Ahim” namliq shé'irigha ishlen'gen muzika muhajirettiki Uyghurlar arisida nahayiti qizghin alqishqa érishken.

Mirkamil turghun

Biz bu munasiwet bilen yash, talantliq sen'etkar mirkamil turghunni bügünki söhbet pirogrammimizgha teklip qilduq. Uning bilen rok muzikigha bolghan qiziqishining bashlinishi, firansiyediki hayati we uning “WTFkistan” rok muzika etriti we muzikiliridiki isyankarliq rohining menbesi heqqide paranglashtuq.

Söhbitimizning tepsilatini yuqiridiki ulinishtin anglighaysiler.