Рошән аббас “аял қәһриманларниң өмүрлүк нәтиҗә мукапати” ға еришкән

Вашингтондин мухбиримиз меһрибан тәйярлиди
2024.03.11
roshen-abbas-1024 Ню-йорк адвокатлар бирләшмиси “уйғур һәрикити” тәшкилатиниң башлиқи рошән аббасқа 2024-йиллиқ “аял қәһриманларниң өмүрлүк нәтиҗә мукапати” (Her Hero Lifetime Achievement Award) бәргән. 2024-Йили 8-март, ню-йорк
Рошән аббас

“уйғур һәрикити” тәшкилатиниң башлиқи рошән аббас ню-йорк адвокатлар бирләшмиси тәрипидин 2024-йиллиқ “аял қәһриманларниң өмүрлүк нәтиҗә мукапати” (Her Hero Lifetime Achievement Award) ға еришкән. Бу мукапат бу йиллиқ “8-март хәлқара аяллар байрими” күнидә берилгән.

Бу мунасивәт билән радийомиз зияритини қобул қилған рошән аббас ханим, бу шәрәпниң әң алди билән уйғур хәлқигә мәнсуп икәнликини билдүрди.

Рошән аббас ханим, “бу мукапат дуняниң мустәмликә астидики шәрқий түркистан хәлқи учраватқан ирқий қирғинчилиқни унтуп қалмиғанлиқиниң ипадиси” деди.

Рошән аббас ханимниң дейишичә, у 7-март күни америка пирезиденти җов байденниң “2023-йиллиқ дөләт әһвалидин доклат бериш йиғини” ға тәклип билән қатнашқан.

7-Март күни ахшими америка дөләт мәҗлисидә өткүзүлгән йиғинда, америка пирезиденти җов байден американиң өткән бир йиллиқ дөләт әһвали һәққидә мәхсус нутуқ сөзлигән. У сөзидә американиң ички вә ташқи сияситигә аит мәсилиләр һәққидә тохтилип өткән. Җүмлидин американиң дөләт ичидики сияситидә аяллар һоқуқи, дөләт ичидә қорал-ярағларни контрол қилиш, көчмәнләр һоқуқи, иқтисадий тәрәққият вә ишқа орунлаштуруш қатарлиқ мәсилиләрни тилға елип өткән. У, американиң ташқи сиясити һәққидә қилған сөзидә украина, пәләстин мәсилилиридин башқа йәнә хитай билән болған истратегийәлик риқабәт қатарлиқ темилардиму тохталған.

Рошән аббас ханимниң билдүрүшичә, йиғин мәзгилидә униң билән көрүшкән бир қисим дөләт мәҗлиси әзалири, хитай һөкүмранлиқи астидики уйғурлар вәзийити вә мәҗбурий әмгәк мәһсулатлириға аит мәсилиләр һәққидә сөһбәттә болған болған.

Мәзкур сөһбәтниң тәпсилатини юқириқи аваз улинишидин аңлиғайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.