Америка хәлқи сабиқ президент фордқа матәм тутти

Милйонлиған америка хәлқи сабиқ америка президенти гералд фордқа матәм тутти, америка дөләт мәҗлиси бинасида шәнбә күни дөләтлик матәм билдүрүш мурасими өткүзүлди. Америка авази радиосиниң учуридин қариғанда, сабиқ президентиниң дөләт байриқи йепилған җәсити дөләт мәҗлис бинасиниң чоң залида сәйшәнбә күнигичә қоюлидикән. Униңдин кейин дөләтлик чоң черкавға елип берилип, матәм мурасим өткүзүлгәндин кейин чаршәнбә күни мичиған шитатидики өз юртиға елип берилип дәпнә қилинидикән.

Президент буш сәйшәнбә күни пүтүн мәмликәт бойичә матәм билдүрүш күни қилип бекиткән.

Сабиқ президент форд өткән сәйшәнбә күни калифорнийидә вапат болған болуп, бу йил 93 яшқа киргән иди. У, 70-йилларда ветнам урушини тохтитиш билән америка вә хәлқарада зор шөһрәт қазанған. Форд америка тарихидики әң узун өмүр көргән президентларниң бири һесаблинидикән. (Үмидвар)