Yaponiye Uyghur jem'iyiti murasim ötküzüp qollighuchilirigha rehmet éytti

Enqeredin ixtiyariy muxbirimiz erkin tarim teyyarlidi
2024.12.26
yaponiye-paaliyet-02 Yaponiye Uyghur jem'iyitining bashqurush hey'et ezasi we dunya Uyghur qurultiyining sherqiy asiya ishliri komitétining mudiri sawut sözlewatidu. 2024-Yili 21-dékabir, tokyo
RFA/Erkin Tarim

Yaponiye Uyghur jem'iyiti Uyghur qirghinchiliqini yaponlargha anglitish, yaponiye hökümitini heriketke keltürüsh, yaponlarning qollishini we hésdashliqini qolgha keltürüsh meqsiti bilen siyasiy pa'aliyetlerni élip barmaqta. Yaponiye Uyghur jem'iyiti 21-dékabir küni tokyoda chong bir pa'aliyet ötküzüp qollighuchilirigha rehmet éytqan. Pa'aliyetke uzun waqittin buyan Uyghurlarni qollap kéliwatqan yerlik parlamént ezalirining bashliqi, tokyo uniwérsitétidin 2 neper piroféssor, dalay lamaning tokyodiki wekili, xelq'ara kechürüm teshkilatining mes'ulliri, kanada qatarliq birqanche döletning elchiliri, ammiwi teshkilat mes'ulliri we tetqiqatchilardin bolup köp sanda kishi ishtirak qilghan. Ular pa'aliyette söz élip bundin kéyinmu Uyghurlarni qollashni dawam qilidighanliqini tekitleshken.

Yaponiye Uyghur jem'iyiti yaponiyening tokyo shehiride ötküzgen pa'aliyettin körünüsh. 2024-Yili 21-dékabir, tokyo
Yaponiye Uyghur jem'iyiti yaponiyening tokyo shehiride ötküzgen pa'aliyettin körünüsh. 2024-Yili 21-dékabir, tokyo
RFA/Erkin Tarim

Téléfon ziyaritimizni qobul qilghan yaponiye Uyghur jem'iyitining bashqurush hey'et ezasi we dunya Uyghur qurultiyining sherqiy asiya ishliri komitétining mudiri sawut memet ependi pa'aliyet toghrisida melumat berdi. U, mundaq dédi: “Yaponlarda yil axiri özining yéqinlirigha, qollighuchilirigha, hemkarlashquchilirigha rehmet éytidighan, ziyapet béridighan mushundaq bir medeniyiti bar. Bizmu yaponlarning mushu medeniyitige bina'en 21-dékabir küni bizning qollighuchilirimizgha rehmet éytidighan bir pa'aliyet uyushturduq.”

Sawut memet ependi pa'aliyetning mezmuni toghrisida melumat bérip mundaq dédi: “Bu pa'aliyet yaponiye we sherqiy türkistanning istiqlal marshini oqush bilen bashlandi. Uningdin kéyin bizning yaponiye Uyghur jem'iyitining re'isi exmet létip ependi we bizni qollawatqan yerlik parlamént ezaliri guruppisining re'isi mariyama ependi nutuq sözlidi. Pa'aliyet jeryanida Uyghurlarning medeniyiti eks ettürülgen qisqa widiyo we yaponiye Uyghur jem'iyitining bir yildin buyan qilip kelgen pa'aliyetlirini xulasiligen qisqa widiyolar qoyuldi. Uningdin sirt Uyghurlarning naxsha muzikiliri, Uyghurche tamaqlar qollighuchilirimizgha teqdim qilindi.”

Yaponiye Uyghur jem'iyitining re'isi exmet létip sözlewatidu. 2024-Yili 21-dékabir, tokyo
Yaponiye Uyghur jem'iyitining re'isi exmet létip sözlewatidu. 2024-Yili 21-dékabir, tokyo
RFA/Erkin Tarim

Yaponiye Uyghur jem'iyitining re'isi exmet létip ependi yighinda özining söz qilip, Uyghur jem'iyitining bir yilliq pa'aliyetliridin melumat bergendin kéyin, xitayning Uyghurlargha qaratqan zulumida 2024-yilida bir özgirish bolmighanliqini, yaponiye hökümitidin iz-déreksiz yoq bolup ketken, öltürülgen we türmilerge tashlan'ghan Uyghurlar toghrisida tekshürüsh élip bérishini telep qilghanliqini bayan qildi.

Pa'aliyet axirida Uyghurlarni qollighuchilar arqa-arqidin söz élip, mezkur pa'aliyetni uyushturghan yaponiye Uyghur jem'iyitige rehmet éytish bilen birlikte, hazir özlirining hayatida Uyghurlarni qollashtin bashqa ehmiyetlik ishning yoqlighini, bundin kéyinmu Uyghurlarning pa'aliyitige aktip qatnishishni dawam qilidighanliqini bayan qilishqan. Sawut memet ependi bu heqte bizge melumat berdi.

Yaponiye Uyghur jem'iyiti yaponiyening tokyo shehiride ötküzgen pa'aliyettin körünüsh. 2024-Yili 21-dékabir, tokyo
Yaponiye Uyghur jem'iyiti yaponiyening tokyo shehiride ötküzgen pa'aliyettin körünüsh. 2024-Yili 21-dékabir, tokyo
RFA/Erkin Tarim

Exmet létip ependining bildürüshiche, yaponiye Uyghur jem'iyiti Uyghur qirghinchiliqini yaponiyediki awam xelqqe we hökümetke tonutush meqsitide bir yürüsh pa'aliyetlerni 2021-yili 2-ayda bashlighan. 2024-Yili kirgendin buyan jem'iy 11 qétim pa'aliyet ötküzgen. Yaponiyelik qollighuchilar bu pa'aliyetlerning hemmisige dégüdek qatnashqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.