Зумрәтай әркин хан җәмәти черкавида уйғур ирқий қирғинчилиқини тонуштурған

Берндин ихтиярий мухбиримиз һәбибулла изчи тәйярлиди
2024.04.12
zumretay-leksiye-4.jpg “рузвелт әркинлик мукапати” ни тапшурувелиш мурасимидин кейин зумрәтай әркин ханим яшларға лексийә сөзлимәктә. 2024-Йили 11-апрел, голландийә.
RFA/Hebibulla Izchi

11-Апрел күни голландийәниң миддәлбург шәһиридә “рузвелт әркинлик мукапати” ни тапшурувалған зумрәтай әркин шу күни кәчтә йәнә, миддәлбург черкавлар бирләшмиси вә “рузвелт әркинлик мукапати” фонди яшлар комитети тәрипидин, миддәлбургдики хан җәмәти черкавида мәхсус лексийә сөзләшкә орунлаштурулған. Бу паалийәттә миддәлбург черкавлар бирләшмисидин кирс корис, йилдирим бәязит җамисидин сәфа чобан, зееланд районлуқ йәһудий җамаити тәшкилати, тибәт вәкили қатарлиқлардин башқа йәнә голландийәдики йетиливатқан яш сиясәтчи аләрк абликимниңму қатнишишида диний әркинлик һәққидә диялог елип берилип, уйғур ирқи қирғинчилиқи вә хитайниң уйғурларға йүргүзүватқан вәһшиянә бастурушлири тонуштурулған.

“рузвелт әркинлик мукапати” ни тапшурувелиш мурасимидин кейин хан җәмәти черкавиға лексийәгә тәклип қилинған зумрәтай әркин ханим мәхсус ишләнгән филим арқилиқ уйғур ирқий қирғинчилиқини тонуштурмақта. 2024-Йили 11-апрел, голландийә.
“рузвелт әркинлик мукапати” ни тапшурувелиш мурасимидин кейин хан җәмәти черкавиға лексийәгә тәклип қилинған зумрәтай әркин ханим мәхсус ишләнгән филим арқилиқ уйғур ирқий қирғинчилиқини тонуштурмақта. 2024-Йили 11-апрел, голландийә.
RFA/Hebibulla Izchi

12-Апрел күни зумрәтайни зиярәт қилдуқ. У, лексийә сөзләш җәрянида өзиниң шәрқий түркистандики ирқи қирғинчилиқ вә дини бастурушларни тонуштурғанлиқини билдүрди.

Миңдин җиқ кишиниң қатнишишидики ““рузвелт әркинлик мукапати” ни тарқитиш мурасимидин кейинла елип берилған бу паалийәт, кәч саәт 11 гичә давам қилған. Миддәлбургдики чоң хан җәмәти черкави аңлиғучилар билән лиқ толған болуп, бу паалийәткә дуня уйғур қурултийи рәиси долқун әйса әпәнди, голландийәдики лагер шаһити қәлбинур сидиқ ханим, голландийәдики бир қисим уйғурлар вә дуня уйғур қурултийи вәкиллириму қатнашқан. Қәлбинур ханим бу паалийәт һәққидә мәлумат бәрди вә тәсиратини сөзләп өтти.

“рузвелт әркинлик мукапати” ни тапшурувелиш мурасимидин кейин зумрәтай әркин ханим хан җәмәти черкавиға лексийәгә сөзләшкә тәклип қилинған. 2024-Йили 11-апрел, голландийә.
“рузвелт әркинлик мукапати” ни тапшурувелиш мурасимидин кейин зумрәтай әркин ханим хан җәмәти черкавиға лексийәгә сөзләшкә тәклип қилинған. 2024-Йили 11-апрел, голландийә.
RFA/Hebibulla Izchi

Долқун әйса әпәндиму бу икки күнлүк паалийәтниң наһайити мол мәзмунлуқ вә нәтиҗилик болғанлиқини тәкитләп, уйғур мәсилиси украина-русийә, пәләстин-исраилийә оруши сәвәблик күнтәртиптин чүшүп қеливатқан бир вақитта, бу мукапат вә бу икки күнлүк паалийәтниң уйғур мәсилисини қайта күнтәртипкә елип кәлгәнлики вә зумрәтайниң уйғур яшлириға бир үлгә икәнликини тәкитлиди.

Бу лексийә сөзләш паалийитигә қатнашқан голландийәдики яш сиясәтчи, голландийә йешиллар партийәсиниң яшлар тәшкилатидин аләрк абликимму бу йәрдә елип берилған диялоглар арқилиқ хитайниң вәһшиянә бастурушлирини тонуштуруш пурситигә еришкәнликини баян қилди.

Д у қ рәиси долқун әйса әпәнди, зумрәтай әркин вә голландийәдики лагер шаһити қәлбинур сидиқ ханимлар “рузвелт әркинлик мукапати” ни тапшурувелиш мурасимида хатирә сүрәттә. 2024-Йили 11-апрел, голландийә.
Д у қ рәиси долқун әйса әпәнди, зумрәтай әркин вә голландийәдики лагер шаһити қәлбинур сидиқ ханимлар “рузвелт әркинлик мукапати” ни тапшурувелиш мурасимида хатирә сүрәттә. 2024-Йили 11-апрел, голландийә.
RFA/Hebibulla Izchi

Миддәлбург черкавлар бирләшмисиниң бу һәқтики тәшвиқатида “биз бир диний җәмийәт болуш сүпитимиз билән, өзимизни иттипақ вә баравәрлик, адаләт үчүн атидуқ. Бизниң мәқситимиз диний, миллий мәдәнийәтләрниң тәң мәвҗут болуши үчүн, җаһаләт сепиллирини өрүп ташлаш! биз, инсанларни бир-биригә дүшмән қилидиған, мәнмәнчилик вә шәхсийәтчиликкә қаршимиз!” дәп йезилған.

“рузвелт әркинлик мукапати” ни тапшурувелиш мурасимидин кейин хан җәмәти черкавиға лексийәгә тәклип қилинған зумрәтай әркин ханим вә д у қ рәиси долқун әйса әпәнди мурасимға кәлгән яшлар билән хатирә сүрәттә. 2024-Йили 11-апрел, голландийә.
“рузвелт әркинлик мукапати” ни тапшурувелиш мурасимидин кейин хан җәмәти черкавиға лексийәгә тәклип қилинған зумрәтай әркин ханим вә д у қ рәиси долқун әйса әпәнди мурасимға кәлгән яшлар билән хатирә сүрәттә. 2024-Йили 11-апрел, голландийә.
RFA/Hebibulla Izchi

Бу лексийә сөзләш паалийитигә йәнә университет оқуғучилири, бир қисим сиясәтчиләр, диний гуруппиларниң вәкиллири вә башқилар қатнашқан. Лексийәгә қатнашқан аңлармәнләр бәс-бәстә уйғурларниң диний, миллий, етник кимлики вә уйғур ирқий қирғинчилиқиниң әсли сәвәби һәққидә соаллар сорашқан.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.